掃呢頁CODE去手機

2017年8月9日 星期三

【關係半公開】陳煒前夫與27歲女歌手 廚房Sweet到大廳 __,陳煒,

瞞離婚逾5年,陳煒同前夫顏志行絕對稱得上口密,雖然夫妻離異,但離奇在舊年陳煒拍大台節目《煒哥的味道》,顏志行依舊以陳煒老公身份亮相,二人更係鏡頭前晒恩 ...


瞞離婚逾5年,陳煒同前夫顏志行絕對稱得上口密,雖然夫妻離異,但離奇在舊年陳煒拍大台節目《煒哥的味道》,顏志行依舊以陳煒老公身份亮相,二人更係鏡頭前晒恩愛。話分兩頭,陳煒同前夫除咗被指聚少離多,夫妻步伐越行越遠,亦有指顏志行搭上27歲台灣歌手鄭雙雙。兩年前,顏志行同鄭雙雙喺網上晒合照,舊年顏志行餐廳開幕,鄭雙雙更親自撐場。當時已有傳二人關係密切,但陳煒當時就以「老婆」身份,堅稱二人冇拍拖。陳煒仲話自己都識鄭雙雙,如果佢哋真係有嘢,點會將啲相貼上網。對於飛台灣箍煲之傳聞,陳煒當時稱:「佢影到我去旅行社畀錢啫,但我唔係去台灣,係諗住過兩日同朋友飛去首爾買吓衫。」而被指介入陳煒同顏志行婚姻嘅鄭雙雙,喺11年第一屆參加台灣歌唱節目《華人星光大道》,成為最後15強入娛圈,而呢一屆中,楊宗緯、蕭敬騰、林宥嘉都有參加,一直紅到依家。至於鄭雙雙,只係喺14年出過專輯《Night》,之後兩年喺樂壇都冇乜歌出,反而喺佢FB中,就有佢自彈自唱嘅相,佢亦不時大晒比堅尼火辣相,同時亦有大量美食相,同開餐廳嘅顏志行志趣相投。

陳煒老公傳搭上27歲台灣歌手鄭雙雙。 鄭雙雙被指介入陳煒同顏志行婚姻,兩人這一兩年來已不避嫌出雙入對合照,鄭雙雙甚至將之放上IG。 鄭雙雙喺IG中,不時貼三點式嘅相。(鄭雙雙Instagram圖片)
(鄭雙雙Instagram圖片) 同時,亦放有不少美食相。(鄭雙雙Instagram圖片) (鄭雙雙Instagram圖片)
至於開餐廳嘅顏志行,亦喺fb貼整嘢食嘅相。(顏志行fb圖片) (顏志行fb圖片) 顏志行與愛貓
鄭雙雙都有同佢合照0架

來源 source: http://s.nextmedia.com
鍾意就快D Share啦!