果然係好姊妹喎！
無綫新劇《跳躍生命線》演員馬德鐘、張曦雯、何廣沛、劉佩玥、陳瀅、郭子豪、羅蘭、謝雪心、羅樂林、翟威廉、莊思明等 在將軍澳電視城進行開鏡拜神。「好姊妹」劉佩玥與陳瀅友情由現實延伸到戲中，兩人笑謂平時日日見面已經感到厭倦，今次一齊開工日見夜見，完成劇集後要分開三個月休息一會，陳瀅笑說：「佢依家開工已經開始霸佔我屋企，成日喺我屋企瞓。」劉佩玥笑說：「我霸咗佢張梳化同埋個廳嚟瞓。（諗住寄宿？）唔係，又唔係日日。」問陳瀅可會收取劉佩玥租金？她笑說：「唔會，佢會用其他方法補償番。」
女神愛撩鼻屎
劉佩玥與陳瀅兩位女神又互爆醜態，揚言要代入戲中讓角色更生活化，劉佩玥大爆女神陳瀅愛撩鼻屎，還要將鼻屎抹在她手臂上，她笑說：「佢成日撩完鼻屎，將鼻屎抺喺我手臂上，最初以為佢好sweet摸我啦，第一次發現心諗咩嚟呢，然後嗌咗出嚟囉。」問到陳瀅可擔心破壞女神形象？她笑說：「唔驚，貼地啲嘛，女神都要撩鼻屎㗎。」陳瀅反擊爆劉佩玥興奮笑起來像豬叫聲，笑聲十分核突。
此外，有指劉佩玥推掉《果欄中的江湖大嫂》為拍《跳躍生命線》，她否認表示自己一向很乖聽從公司指示，拍劇安排是由公司決定。
來源 source: http://hk.on.cc
|
鍾意就快D Share啦！
|
|
|
