陳法拉撐薛世恒入行 合作要收貴啲！
女星陳法拉、林嘉欣及周秀娜昨日出席GIVENCHY Beauty唇膏活動，對於前夫薛世恒最近進軍娛樂圈，法拉大表支持，問到薛世恒作為新人年紀會否太大？她說：「男藝人壽命好長，有排做。（有冇畀意見佢？）冇，佢咁大個仔，識o架（介唔介意合作拍戲？）如果有啱劇本都唔會介意，將來嘅事將來先知。（戲中做情侶呢？）邊個寫劇本寫到咁啱？（為你度身訂造？）咁酬勞要高啲。（酬勞高就得？）到時先算。（男友會否呷醋？）唔會，做嘢還做嘢。」又指與前夫關係不錯，有見面食飯。
至於嘉欣剛與老公慶祝結婚七周年，問到有否七年之癢？她坦言：「冇呢個。（好似拍拖咁？）似屋企人Feel，間中要搵時間二人世界。」提到嘉欣快將生日，她記起去年生日老公為她炮製驚喜：「老公暗地安排咗我嘅朋友一齊去台灣同我慶祝，點知喺香港機場見到啲朋友Check in，差啲畀我識穿咗。」
來源 source: http://orientaldaily.on.cc
|
鍾意就快D Share啦！
|
|
|
