咁以後咪冇得聽KAY唱歌！
產後很少露面的謝安琪（Kay）出席好友蕭潤邦（Oscar）的銅鑼灣生煎包店開張，見她仍有些面圓圓。受訪時她表示有入股支持Oscar：「大埔店同銅鑼灣店都有份，其實我同Oscar新人嗰陣已經識，我第一次出騷佢又嚟睇，好支持我，唔知佢嗰陣係咪已經睇中我，佢成日鼓勵我，我攞奬佢又會喊，今次同佢做生意係因為我想學嘢，我都想有自己生意，依家向佢學師先。」
40歲的她亦表示之前都有一齊為大埔店睇舖位，又笑言大埔店門口師傅很像韓國天團Big Bang隊長G-Dragon：「所以好受街坊歡迎，但呢招喺銅鑼灣未必咁work，因為銅鑼灣啲人潮啲。」問到入股幾多？她謂：「唔好講，有好多股東。（老公有冇份？）我哋冇計啦。」
問到她想做甚麼生意？她說：「想做生活館嘅嘢，做啲有機清潔劑、環保布袋等，但呢啲好難營運，所以依家加入學師先。（想幾時自己做到生意？）十年內。（咁耐？）要搜集資料嘛。」問到她幾時會出番來唱歌？她笑言：「我依家仲係好肥，唱咩歌呀，同埋同以前好唔同，依家生活他條啲，以前日日keep住工作狀態，同依家心態好唔同，好享受依家生活。」她亦分享湊女生活，笑言囡囡現時玩行為藝術：「佢識得碌嚟碌去同流好多口水，不斷喺我會張床單到印花，令我床單有好多口水迹。至於個仔依家自己出去踢波，發展緊自己事業，所以依家生活好多方面都好開心。」
來源 source: http://hk.on.cc
|
鍾意就快D Share啦！
|
|
|
