2017年8月6日 星期日

男友監場要避忌?JW吳業坤合唱保持距離 __,吳業坤,JW,

成個騷佢哋都保持距離。歌手吳業坤和JW(王灝兒)舉行音樂會,圈中好友許廷鏗、胡鴻鈞、麥明詩、陳慧敏、JW富貴男友Tarzan齊來捧場。可能有男友監場, ...


成個騷佢哋都保持距離。

歌手吳業坤和JW(王灝兒)舉行音樂會,圈中好友許廷鏗、胡鴻鈞、麥明詩、陳慧敏、JW富貴男友Tarzan齊來捧場。可能有男友監場,坤坤和JW合唱《小酒窩》都刻意保持距離,又玩背住唱,就連眼神都避開,坤坤笑言:「我唱呢首歌好尷尬,唔知佢嗰個係咪喺度呢?我講緊JW阿媽。」唱畢後,坤坤向JW說當年和周秀娜(娜姐)合唱,娜姐都是這個髮型,但身材就不同。而最抵死坤坤跟JW唱Rap歌,又跳Hip Hop舞,坤坤跳完後除下連帽外套即現一頭亂髮,JW為他整理頭髮邊笑道:「我會好小心,因冇乜剩,唔想你甩多啲。」

爆JW愛腿張開

兩人在台上不時互窒,JW笑坤坤姿整愛撥頭髮似女人,坤坤則反指JW豪邁,經常坐姿腿張開,他笑言:「咁佢係着褲先咁坐,唔着褲?咁實睇多幾眼添!」JW又反擊坤坤多緋聞女友,更爆坤坤曾言若緋聞女友到齊,夠他開一場騷。坤坤笑言到時可給JW坐緋聞女友主家席。JW即澄清:「我都唔係你緋聞女友。」坤坤即說:「遲早係」

JW宣布明年開紅館騷

至於在音樂會尾聲JW說要有事宣布,坤坤說:「你結婚?你有咗?」JW不理他開心公布說明年1月6日可以在紅館開演唱會,坤坤即時自薦做嘉賓獲JW答應。

麥明詩同藥房太子爺咬耳仔

另外,來捧場的麥明詩身邊有一位型男相伴,睇騷時更見兩人不時耳語很親暱,完騷後,追問麥明詩身邊男伴時,她笑言:「呢個咪係之前啲報道嘅藥房太子爺囉,佢係我同學,太嘈先哄埋講嘢咋,我哋仲有個女仔朋友一齊嚟睇。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...