性感女神張曦雯（Kelly）被網民讚佢「靚到離地」，喺無綫最新一輯《3日2夜》，Kelly率先打頭陣！帶大家去到毛里裘斯玩轉海陸空，Kelly換上多套露肩靚衫，大晒靚靚鎖骨兼長腿，仲表現佢野性大膽嘅一面！無論同獅子漫步、90米深嘅峽谷打鞦韆定滑水都難佢唔到，難怪網民都叫佢做「大膽雯」！
打獅子Pat pat
華姐前冠軍Kelly，擁有33C豐滿上圍，加上超過40吋長腿，難怪每次佢做主持嘅無綫節目《3日2夜》，都吸引大批網民畀like，cap晒圖逐格loop！今次Kelly帶大家去到毛里裘斯，不停挑戰人類嘅極限，先嚟「親親獅子王」，Kelly着上露肩短身上衣，露出靚靚膊頭加小蠻腰，怕唔怕引死啲獅子㗎！佢仲勁大膽抆獅子條尾，同大大力打佢哋pat pat，真係少啲膽量都嚇死！
跳45米高台
之後Kelly仲未夠喉，佢去咗45米嘅高台，準備跳落去90米深嘅峽谷打鞦韆，Kelly唔單止唔驚，仲大嗌「好正呀」！跳完高台，Kelly唔畀佢停，又去咗挑戰高空滑索，滑到一半，Kelly竟然嫌悶，自行倒吊玩埋成程，奇怪嘅係，無論Kelly點樣倒轉，佢嘅靚樣都依然冇變過，認真犀利！以上種種極限挑戰，都係要簽晒生死狀先玩得，細膽啲都出事呀！最後當然唔少得，Kelly着上性感泳衣，喺沙灘上晒一晒長腿嘅環節
睡衣look曝光
同場加映，攝制隊突襲Kelly嘅酒店房，Kelly一身睡衣look現身，手上仲揸住個遊戲機手掣。Kelly艷麗嘅外表之下，佢仲出名係「機霸」，去到邊打到邊，網民都留言話好想同佢喺酒店瘋狂打機呀！雖然今集Kelly有咁多個造型現身，不過網民最Like當然係佢水着Look
網民有話兒
Kixxxxxxp女神！
Clxxxxxxt點解可以咁大膽！
Yuxxxx9大膽張曦雯
Taxxxxxxi我陪你打機！
Q5xxxxxe做我女朋友
|
鍾意就快D Share啦！
|
|
|
