當支付寶、Apple pay尚未登陸香港，本地電子支付app TNG早於2015年已搶先飲頭啖湯，當時T夥拍零售新貴759阿信屋推「增值100元送100元」，拍住上吸客。759大排長龍，TNG伺服器「冧檔」，場面墟冚。事隔不足兩年，當初打著「香港人嘅電子錢包」旗號的TNG，竟變成「外傭姐姐ATM」？更因而與759鬧不和？TNG創辦人及行政總裁江慶恩（Alex）表示，公司在香港外藉勞工的電子滙款市場佔有率高達七成，稱已是市場的龍頭。TNG全球滙款功能去年10月推出，雖然沒有網上「病毒營銷」快，但靠口碑人傳人方式，迅速攻入外傭「姐姐」市場。他表示，現時全球滙款的交易額每月都有雙位數增長，金額「都億億聲架啦」。TNG全球實時滙款涉12個東南亞國家，用手機就可以滙款，匯率又較找換店優惠，推出短短幾個月已大受「姐姐」歡迎。不過，由於大量外傭周日湧至759增值，逼爆舖頭，令收款櫃枱工作量大增，惹來不滿，令759決定今年起終止TNG的增值服務，但用戶仍可使用支付功能。江慶恩重提事件，指尊重759的商業決定，直言「我哋帶到人流畀你，咁你就有機會可以賺到佢嘅錢呀嘛」，「要唔要呢啲客係佢自己決定」。他又透露，連公司總部，亦因眾多外傭上門排隊申請Super VIP，排到出商場而遭商場投訴。這個電子錢包在「姐姐」市場非常吃香，不過很多香港人聽到TNG個名，不少會搞錯是「Tap&Go」。為何TNG剛剛推出時打響了頭炮，但似乎有點虎頭蛇尾？TNG電子錢包功能眾多，不過最大嘅死穴是接受支付的商戶少，本地用戶「有錢冇埞使」，除較多分店的有759、實惠、Crostini、美心西餅外，其他合作商戶以小店為主，缺乏了大型連鎖超級市場、快餐店、便利店等。江慶恩解釋，香港有八成的商戶是不收八達通及傳統卡，「呢一個市場係好大嘅，所以我哋就不停去攻呢啲藍海」，比如3月起與全港報販大聯盟合作，推動報攤引入電子支付服務；現時全港合作商戶已提供約2,000個地點支援TNG支付，未來一年將爭取更多商戶加入。另外，他表示，其實很多港人使用其P2P轉賬服務，包括一些網店及小商戶，因為它們較難申請銀行戶口。而TNG上月推出商戶電子貨幣，取代現時的實體現金券，為用戶提供10％優惠，同時方便商戶取得現金流、節省行政費用。
記者︰曾木秀
攝影︰李錦華﹑李潤芳蘋果財經，關心你飯碗
http://fb.com/appledailyatm
|
鍾意就快D Share啦！
|
|
|
