2017年9月28日 星期四

【為媽咪提早出嫁?】傳Joey年尾結婚 劉浩龍回應講咗三個字… __,Joey,劉浩龍,浩龍,容袓兒,

劉浩龍喺2012年6月承認同容祖兒(Joey)拍拖,外界唔睇好呢段戀情,連楊受成都鬧爆劉浩龍過早張揚戀事,行為鹵莽兼笨拙,言語間又懷疑有人此舉暗藏機心 ...


劉浩龍喺2012年6月承認同容祖兒(Joey)拍拖,外界唔睇好呢段戀情,連楊受成都鬧爆劉浩龍過早張揚戀事,行為鹵莽兼笨拙,言語間又懷疑有人此舉暗藏機心(新聞連結:http://bit.ly/2xHCIXS),點知Joey同劉浩龍感情穩定,拍拖5年,更多次傳出好事近,不過Joey均否認,指目前以事業為重,早前開出38歲嫁人嘅「期票」,後嚟改口風,謂40歲左右會結婚,Joey今年37歲,即係工作多3年先。

不過今日有周刊指,一向孝順嘅Joey,知媽咪想自己40歲前結婚,打算今年年尾就結婚,等媽咪見證佢幸福時刻,圓媽咪心願,據知容母三年前患肺癌第三期,Joey情願推咗逾千萬酬勞嘅job,花費逾百萬,由美國請專家幫媽咪去醫,上年容母癌病復發,Joey就陪媽咪吃素祈福。

周刊報道又指Joey今年同媽咪再睇醫生,6月又租淺水灣曼克頓大廈暫住,原來舊居松柏新村要裝修。不過容母最大心願係睇住囡囡出嫁,未知係唔係呢個原因,先忽然傳出Joey嘅婚訊呢!?不過之前Joey上大陸節目《金星秀》講過容母總係唔滿意自己嘅另一半,成日覺得自己囡囡可以揀個更好,之但係相處過後,覺得劉浩龍都唔錯,近年主動搬去松柏新村附近,方便照顧容母,漸漸fans同容母都接受咗劉浩龍。

《蘋果》致電劉浩龍求證係咪年尾結婚?佢連聲否認:「唔係呀!唔係呀!」祖兒經理人霍汶希同樣回覆:「沒有這件事!」

師兄同祖兒已經拍拖5年多。(資料圖片) 祖兒同媽媽感情要好。(微博圖片) (資料圖片)

鍾意就快D Share啦!
Related Posts Plugin for WordPress, Blogger...