2017年11月26日 星期日

【獨欠林文龍】郭可盈預祝48歲生日 大肚Lynn都有現身 __,Lynn,林文龍,郭可盈,熊黛林,

郭可盈同林文龍結婚13年,唔經唔覺囡囡天若(津津)都已經7歲喇。可盈婚後專心相夫教女,甚少出席公開場合,但聽日(27日)就係佢嘅48歲生日,噚晚佢就同 ...




郭可盈同林文龍結婚13年,唔經唔覺囡囡天若(津津)都已經7歲喇。可盈婚後專心相夫教女,甚少出席公開場合,但聽日(27日)就係佢嘅48歲生日,噚晚佢就同家人提早慶祝,順道為家傭姐姐餞行,兩母女都大嗌不捨。

可盈今日喺微博上載多張相,囡囡打扮成小公主一樣,拍照時仲好識擺甫士,又同媽咪攬住嘴對嘴,非常溫馨。可盈留言:「昨晚提前和家人慶祝生日,但同時亦要和我的工人妹妹道別了,我和津津都非常不捨、不捨和不捨啊!但另一方面也很替她結婚而高興!衷心祝福她永遠幸福美滿!健康愉快!」可盈同家傭姐姐感覺真係似足一家人,見津津攬實對方,網民見到都話好有愛。

剛宣佈懷有身孕嘅熊黛林(Lynn)當然亦有份出席家庭聚會,大合照時微微彎低身,但可能冇化妝,面色睇嚟有點蒼白,但老公郭可頌喺身邊,當然就係最幸福啦。不過,就見唔到林文龍,唔知係咪有工作在身,要到正日先同老婆慶祝。



更多娛聞,喺晒《娛果》

http://fb.com/appledailyent

(微博圖片) 可盈同囡囡都話好唔捨得家傭姐姐。(微博圖片) 一家人為可盈預祝48歲生日,但就唔見老公林文龍。(微博圖片)
可盈肉緊攬住囡囡錫錫。(微博圖片) (微博圖片) (微博圖片)
可盈嘅囡囡津津好識擺甫士,唔知將來會唔會同媽咪一樣參加香港小姐呢?(微博圖片)

鍾意就快D Share啦!
Related Posts Plugin for WordPress, Blogger...