今屆金馬獎，香港電影多項大獎提名俱鎩羽而歸，包括最佳導演、男女配角等，幸而最佳女主角由《血觀音》惠英紅扳回一仗，力壓《健忘村》舒淇及《相愛相親》的張艾嘉，首摘金馬女主角。
09年小紅姐以《心魔》贏過金馬最佳女配角，今次就提名女主角獎。事前佢都講過話好有信心，佢喺呢套被喻為時裝版《後宮甄嬛傳》嘅《血觀音》中，扮演大家族中工心計嘅母親，發揮處極多，故被看高一線。而宣佈得獎名單前，突然有所謂得獎總名單外洩，稱影后是惠英紅，影帝是涂們，最佳導演是張艾嘉，最佳影片是《大佛普拉斯》，金馬主辦單位否認名單真確性。
惠英紅一知道得獎之後，就用手掩住心口，仲拍住心口上台。上台致辭時，她哽咽謂：「十多年前我來這裡，見到很多優秀演員，當年我拿不到獎，覺得自己做得不夠好，我和自己說要再演好一點，2009年我拿到最佳女配角，我和自己說，要發揮得更好，要每個角色都可以給大家驚喜，我一接到《血觀音》劇本就覺得十分好，所以用了小手段，要得要這個角色，試鏡的時候，我將我所想像嘅棠夫人演給導演看，也很多謝戲中的兩女兒，沒有她們我也演不到。我不會放棄，我希望再來。」
《血觀音》由楊雅喆執導，劇情闡述棠家親密友人慘遭滅門事件爆發，以大局為重的棠夫人用盡心機，卻讓自己同兩個女——棠寧（吳可熙飾）、棠真（文淇飾），各自走向不同的命運。年僅14歲的文淇憑本片爭逐女配角，另文淇再憑《嘉年華》與「母親」惠英紅角逐影后。
更多娛聞，喺晒《娛果》
http://fb.com/appledailyent
| （nowTV圖片） | | |
| | | |
| | | |
| |
|
鍾意就快D Share啦！
|
|
|
