2018年6月14日 星期四

曾搭上有婦之夫4年伍詠薇數婚前伴侶:都有20幾個 __,伍詠薇,

■伍姑娘以娜姐身份「持槍」現身深水埗巡場。
■伍姑娘以娜姐身份「持槍」現身深水埗巡場。【《蘋果》專訪】百貨中百客,49歲中女伍詠薇憑着合拍劇《飛虎之潛行極戰》中的黑幫「娜姐」角色,深入民心。早前 ...


【《蘋果》專訪】

百貨中百客,49歲中女伍詠薇憑着合拍劇《飛虎之潛行極戰》中的黑幫「娜姐」角色,深入民心。早前伍姑娘娜姐上身「落區」去到深水埗巡區。自言18歲正式拍拖變身「女人」,與練海棠婚前的男友超過20人。雖然換畫神速,但自言潔身自愛「我冇病,我好乾淨」。

現年49歲的伍詠薇20歲入行,不經不覺在圈中已經邁向30年。她笑言初初入娛樂圈,以為自己壞過,凡事都可以看穿,做落才知一山還有一山高。伍姑娘亦試過被呃,她說:「壞嘅幕後多啲,呢行三山五嶽,尤其幕後人嚟自唔同階層,幸好我性格嬉戲人生,啲人如果想對付我、想跣我、害我,我就嘻嘻哈哈,佢哋咪唔知我真儍定假儍,加上我儍人有儍福,最後立心不良嘅人就放棄搞我,不如換去搞個乖啲、搞個蠢啲,我就冇事。」



■伍姑娘21歲時下嫁當時51歲的翁江培,翁結婚13日後猝死。 ■伍姑娘21歲時下嫁當時51歲的翁江培,翁結婚13日後猝死。
■練海棠跟伍姑娘結婚至今已19年,其間經歷幾許風雨。資料圖片

■練海棠跟伍姑娘結婚至今已19年,其間經歷幾許風雨。資料圖片

向人夫太太道歉

伍姑娘續說:「以前做嘢耐咗,我發現根本有啲人想『戙』你,或想介紹啲人『交易』,我都後生過靚過嚟,但我唔好嗰啲,唔啱我,因為我自尊心好強,幾男人性格,如果我行錯就會一世被人唱,我硬頸,所以我咁耐以嚟,個底唔花,冇啲核突嘢,只係有一次俾傳媒捉到我同有婦之夫。」伍姑娘當年喪夫,因為芳心寂寞才不計名份戀上人夫,這場沒名份戀愛暗交4年,伍姑娘醒覺後單方面提出分手,有指她相約對方太太見面並斟茶認錯。

初戀在18歲才發生,伍姑娘自爆同年失身,她隱晦的說:「18歲先變『成熟』,由girl變woman。其實我好怪,可以好壞、好癲,不過我又有底線,啲人捉唔到我,以為我玩得好癲,呢個女仔好容易到手。」她自爆在成為練太前,男友數目「十隻手指數唔晒」:「有啲fb撞番,點解咁熟口面,有啲唔記得,但我真係冇數過,都有20幾個㗎。」伍姑娘30歲時再婚嫁給練海棠,都算換畫神速,她強調說:「但係我冇病,我好乾淨,係健康乾淨寶寶。」



■當年伍詠薇參加亞洲小姐獲最上鏡小姐,可惜未能打入三甲。資料圖片

■當年伍詠薇參加亞洲小姐獲最上鏡小姐,可惜未能打入三甲。資料圖片
■伍姑娘一家五口的照片,前排是兩位哥哥經衡(左)及緯衡。

■伍姑娘一家五口的照片,前排是兩位哥哥經衡(左)及緯衡。

撐老公唔係死頂

明年入「5」半百的伍姑娘,自言人生如坐過山車,前年又為老公「洗底」,她說:「其實個天畀咗好多嘢我,我真係冇扮開心,你有留意都會知我性格係咁,如果唔係咁,頂唔到咁耐,我全部嘢都可以公開,事無不可對人言。上天畀咗好多安排我,呢啲安排我全部受晒,即使重新『洗牌』都唔想預知,唔知情況下過你嘅人生最好,唔知幾歲發生乜嘢,係好刺激,我係一個explorer好肯嘗試,唔可以係你安排我,上天安排得一定有message。」

笑言如果有一百歲命,自己都走了一半,伍姑娘覺得能夠在生命中有一個別人記得的角色,獎項只是錦上添花。知足常樂的伍姑娘見過、玩過,享受過,覺得已很足夠:「唔好咁長命,我怕瀨屎、瀨尿冇人同我執,我老公,佢應該騎鶴……哈哈。」話風一轉她又保佑老公要長命,負起照顧自己的責任。

採訪:陳杰

攝影:仇志中、廖達燊




鍾意就快D Share啦!
Related Posts Plugin for WordPress, Blogger...