袁偉豪父親泰哥今日在紅磡世界殯儀館以道教儀式設靈，袁偉豪女友張寶兒一身白衣黑褲，一早到場幫手打點。
張寶兒接受訪問時表示記憶中的泰哥為人風趣：「雖然認識嘅日子唔係好耐，聽到Ben（袁偉豪）講爸爸往事，都覺佢係一個好爸爸。」她透露男友跟袁媽媽心情頗差，她說：「都正常嘅，相處咁多年，要重新適應唔係度嘅日子，唔係咁容易。Ben都好堅強，佢開咗劇我亦都開咗，佢對工作好專注。」問到會否心痛阿Ben時，寶兒頓了一頓，表示每個人都會經歷，唯一可以做的是留在身邊陪伴男友。張寶兒於靈堂內坐袁偉豪身邊的家屬席，默默摺元寶，袁偉豪就坐母親旁，神情比起受訪時平和。
袁父的靈堂佈置簡潔，橫匾寫上「浩氣長存」，靈堂前供品有紙紮電視機，當中貼上足球畫面，似為完成袁父泰哥欣賞世界盃的心願。袁偉豪的圈中好友如樂易玲、電視廣播有限公司、胡定欣、梁烈唯夫婦、謝東閔、朱智賢等都有送上花牌，早前袁偉豪撰文悼念父親，提及泰哥生前任職警察，今日警務處處長暨全體同寅都有送上花牌。
來源 source: http://hk.entertainment.appledaily.com
|
鍾意就快D Share啦！
|
|
|
