2018年6月10日 星期日

蕭正楠:嫌女友廚藝差?蕭正楠唔想翠如做嘉賓 __,正楠,黃翠如,翠如,蕭正楠,

蕭正楠(右)婉拒請女友翠如上節目做嘉賓喎!藝人蕭正楠、林盛斌(Bob)、張振朗為無綫節目《美女廚房》錄影。三人每集都要品嘗「美食」,其中不乏未煮熟的食 ...


蕭正楠(右)婉拒請女友翠如上節目做嘉賓喎!


藝人蕭正楠、林盛斌(Bob)、張振朗為無綫節目《美女廚房》錄影。三人每集都要品嘗「美食」,其中不乏未煮熟的食物,Bob笑言:「幾乎做完每集之後都會痾番一日,阿朗就試過痾三日。」張振朗則笑說:「第三集順咗,痾半日啫。」旁邊的蕭正楠亦表示:「就算食藥都幫唔到手。」

預咗食完肚痛

Bob續指並不是每集食物也未熟,也有好吃的,他說:「係第二集劉佩玥、JW做嘉賓煮得生啲,但又想試吓食,有啲吞咗都吐番出嚟,都預咗食完會有少少肚痛。」問到可覺得嘉賓為求出位,特登將食物煮不熟?蕭正楠說:「佢哋係需要喺限時裏面完成,睇佢哋點樣煮,熟唔熟我哋要切開先知。」Bob亦相信女藝人不是全心煮不熟食物,因為要獲得高分才能晉級。

笑女同事廚藝差

蕭正楠表示:「尋晚嗰集大家都見劉佩玥、JW真係雞手鴨腳,劉佩玥劏魚都嚇親,JW第一次劏魚,仲匿埋一邊禱告,佢個炸魚雖然燶咗似冥鏹咁,但係幾有創意、幾好食。」蕭正楠被問到會否邀請女友黃翠如擔任嘉賓?他笑說:「費事畀大家見到佢嘅廚藝,何必呢?我一個人受就夠。不過其實佢煮嘢食都已經唔錯,大家都睇到好多女同事煮嘢食都離晒譜。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...