藝人宋熙年與陳智燊（Jason）結婚兩年，4月初宣布成功造人，榮升準媽媽的她笑言計劃生B以來，身邊人不停出謀獻策 ，提供不少生仔偏方！她又發現老公有嚴厲一面，面對小朋友扭計即嚴父上身，表明不能讓小孩得寸進尺。
貴為2007年度國際中華小姐競選冠軍的宋熙年（Sarah），現時以主持工作為主，但她坦言當初選美是想入行做花旦：「選美嗰陣，保母都覺得我做主持幾好，其實有啲唔開心，因為我係想做花旦，好似廖碧兒、鍾嘉欣咁，點解你叫我做主持！佢話我把聲入咪、咬字清晰，初初做主持唔Enjoy（享受）㗎！」不過，隨着幕前經驗增加，Sarah慢慢發現做主持原來都很有滿足感：「依家好鍾意做！首先比起演員，做主持冇咁辛苦，係做騷前要綵排同記Rundown，但好有滿足感，做完睇到觀眾即時反應。」
接受做主持：拍劇會被摧殘
Sarah認為主持是娛樂圈中壽命較長的路線：「結婚生小朋友後，可能令我經驗更加豐富。有人問過我仲想唔想拍劇？我都鍾意嘅，但付出嘅時間、精神、唔瞓覺嘅犧牲，我覺得自己返唔到轉頭！如果一年三套劇，會被摧殘咗。」如今主持獨當一面，Sarah卻自爆初入行時的「蝦碌」事：「最經典蝦碌係同我老公發生嘅，嗰時我哋喺娛樂新聞台認識，兩個當年仲好新又係外國返嚟，好少會一齊做廠，因為『半斤八両』，點知嗰晚唔夠人，要我哋一齊Live主持，佢有少少甩嘴，我就喺度笑，又到我甩喎！」問到是否因這次合作而跟Jason互生情愫？Sarah表示當時只是朋友關係，但的確特別投契。
最終緣分驅使下，兩人於2016年結成夫婦，4月初還宣布懷孕喜訊，Sarah開心說：「我同先生都希望可以生狗BB，結咗婚都差唔多兩年，二人世界亦過咗好多年，想迎接新嘅一頁，有新嘅家庭成員，我嘅人生正式開始。」她又分享「備孕」經驗：「我當初一話想生BB，好多人畀咗唔同嘅意見、偏方，其實每一個人嘅方法同食療都唔同，我就係中西合璧！我喺外國咁多年，成日飲凍嘢同沙律，但香港呢邊嘅朋友就叫我唔好食啲咩。我有食維他命丸，均衡飲食同調理身體。」她又認為男子有責，都要調理身體：「我覺得有樣嘢我哋忽略咗，好多人以為係女仔要去改善身體，其實男仔都要飲食同作息定時，呢方面我老公有做好本分，因為佢真係好想生小朋友。」
教仔有一套：唔可以畀小朋友得寸進尺
問到BB出世後，跟老公誰做「醜人」？Sarah笑說：「我一直以為自己係嚴嗰個，但見過老公都有嚴厲嘅一面！有次我哋幫手照顧朋友個女一日，小妹妹喺度喊嘅時候，我老公會話：『唔可以咁！』我就會話：『唔好喊』我老公就會話唔可以成日咁樣畀小朋友得寸進尺，否則自己嗰個反轉個天都得㗎佢有自己嘅一套，佢平時同小朋友玩成個大細路，但原來佢都可以做一個嚴父！」至於兩人的相處之道？Sarah以「相依為命」來形容：「我會話：『你係我最好嘅朋友！』我哋爸爸媽咪唔喺香港，由認識到依家，我哋喺香港可以話係相依為命，好多嘢返到屋企都會傾。」
髮型及化妝：Cobia Cho
Outfit：MAGinSHOP
場地：呇 Qi-Nine Dragons
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
