喂呀，小心啲！
由林盛斌（Bob）、蕭正楠、張振朗主持的無綫節目《美女廚房》，今集請來劉佩玥（Moon）、高海寧（高Ling）及JW親身比試廚藝，並由嘉賓評判黃浩然、曹永廉及眾主持試味評分。
三女今次挑戰煮鵪鶉，惟眾女似乎廚藝不精，沒有一位能把食物煮熟，於限時最後三分鐘時，眾人表現緊張，劉佩玥索性把整隻鵪鶉放入熱油到炸，還以菜刀當作鑊鏟，令Bob等人睇到眼都凸！及後於試食時段，可謂難為了一班試食主持及評判，Bob更因高Ling的鵪鶉唔熟，而直接吐落垃圾桶，阿蕭亦食到面容扭曲，並謂：「個芝士好臭，令到個豬肉都好臭。」而JW於試食自己炮製的唔熟鵪鶉時欲吐出來，被眾主持及評判阻止，結果她把食物含在脷底。
至於指定菜式環節，眾女挑戰炮製老虎班菜式，鏡頭所見，高Ling手勢純熟，但JW從魚缸拿起條魚已經呱呱大叫，及後條魚於砧板上「死唔斷氣」時，JW直頭嚇到雞飛狗走，後來索性把之起肉放入油鑊炸，高Ling就簡單地以清蒸方法，看見製成品時大讚自己，眾主持畀分時亦狂讚，一致通過給了10分滿分，最終成為全晚冠軍。
來源 source: http://hk.on.cc
|
鍾意就快D Share啦！
|
|
|
