2018年6月14日 星期四

【狗仔出更】「馬路炸彈」蔡思貝停牌 型爆蔡爸冒雨路口截的士 __,蔡思貝,

採訪、攝影:羅德光、梁繼光
蔡思貝由選港姐出道到依家,令佢心煩嘅新聞未停過,幸好有家人鼓勵,特別係媽咪。噚日,蔡媽媽又出動,不過今次係「湊女放學」。同行仲有蔡爸爸添。噚日蔡思貝同 ...


蔡思貝由選港姐出道到依家,令佢心煩嘅新聞未停過,幸好有家人鼓勵,特別係媽咪。

噚日,蔡媽媽又出動,不過今次係「湊女放學」。同行仲有蔡爸爸添。

噚日蔡思貝同龔慈恩個女林愷玲等,到銅鑼灣出席商場活動,同場仲有巴西體操界靚仔Arthur Nory。蔡思貝雙親都有來捧場撐愛女。完騷之後,蔡思貝先去換番自己衫,爸爸就負責截的士。當時落緊傾盤大雨,好彩都截到車咋。蔡思貝仲有班fans護送上車。走嗰陣蔡Baby當然有同fans say byebye,雙親都有同fans吹下水咁。

之後蔡家三口去到北角七姊妹道落車,入咗一幢大廈。問蔡思貝係咪返屋企?佢話「係呀!」跟住就匆匆入內。未幾蔡家三口又出動,先去銀行櫃員機提款,途中遇到伯伯街坊,有傾有講,期間街坊問佢哋:「搬咗嚟呢度呀?」蔡家答:「係呀係呀!」當時雨勢頗大,但四人都雞啄唔斷傾咗成五分鐘左右。蔡思貝仲好乖咁,扶一扶個伯伯。

拎完錢,蔡家三口又去截的士,不過今次係蔡爸蔡媽送個女上車去灣仔學唱歌。學咗個幾鐘,雨仲未停,於是蔡思貝又截的士走返屋企喇!

究竟點解蔡思貝喺咁難截車嘅天氣下仲堅持要搭的士?需知蔡思貝呢個新牌仔(兩年幾左右),但佢嘅「戰績」都幾厚,自認「賽車貝」……正確應該係「馬路炸彈」,多次被發現觸犯交通條例兼撞車,曾經邊揸車邊拿手機伸出車外影相,又試過揸住佢架甲蟲車仔,由金鐘紅棉道駛去灣仔,原本只可直路駛去告士打道,但蔡思貝喺燈位突然轉右,鄰線直行嘅的士收掣,被攔腰撞到。

刮花車身撞凹車門對蔡思貝嚟講已經係家常便飯。未知係咪已經扣晒分被停牌,定係佢本人「自動停牌」,所以依家要「的出的入」囉。

做個明智嘅道路使用者——唔識揸,就做乘客

採訪、攝影:羅德光、梁繼光 噚日蔡思貝到銅鑼灣出活動,雙親特來「接放學」。 噚日蔡思貝到銅鑼灣出活動,雙親特來「接放學」。
蔡爸爸真係越睇越型

蔡爸爸真係越睇越型
一家三口搭的士返北角屋企

一家三口搭的士返北角屋企
見有傳媒都大方任拍

見有傳媒都大方任拍
三個人三把遮,充滿默契,唔會迫亦唔會遮撞遮。

三個人三把遮,充滿默契,唔會迫亦唔會遮撞遮。
小心俾人話你哋霸晒條行人路呀!

小心俾人話你哋霸晒條行人路呀!
遇到街坊

遇到街坊
拎錢先

拎錢先



一家三口真係好有愛…感覺到蔡Baby好幸福!

一家三口真係好有愛…感覺到蔡Baby好幸福!
爸爸又一馬當先出去截的士

爸爸又一馬當先出去截的士
上車去學唱歌喇

上車去學唱歌喇
照顧媽咪嘅責任,當然由爸爸負責。

照顧媽咪嘅責任,當然由爸爸負責。
陪著你走~~

陪著你走~~
另一邊廂嘅蔡思貝冒雨衝落車

另一邊廂嘅蔡思貝冒雨衝落車



「馬路炸彈」蔡思貝嘅「嚇人時刻」…(資料圖片)

「馬路炸彈」蔡思貝嘅「嚇人時刻」…(資料圖片)
揸車嗰個係蔡思貝…(資料圖片)

揸車嗰個係蔡思貝…(資料圖片)

鍾意就快D Share啦!
Related Posts Plugin for WordPress, Blogger...