2018年8月14日 星期二

【爆相爆片】情侶港鐵喊爆吵大鑊 男友當眾跪地抆耳仔 __,港鐵,爆相爆片,

Ohno!男人之家,居然喺眾目睽睽之下,仲要喺逼到爆炸嘅港鐵車廂入面,喊晒口跪地抆耳仔。俗語都有話「男兒膝下有黃金」,喂阿哥仔!你究竟衰咗啲乜嘢,竟然 ...


Oh no!男人之家,居然喺眾目睽睽之下,仲要喺逼到爆炸嘅港鐵車廂入面,喊晒口跪地抆耳仔。俗語都有話「男兒膝下有黃金」,喂阿哥仔!你究竟衰咗啲乜嘢,竟然要咁大犧牲,要咁樣同女朋友認錯呀?

讀者陳小姐周日收工後同同事一齊搭港鐵,大約10點40分到去到北角月台轉車搭將軍澳線,佢話當時喺北角站月台等車嗰陣已經聽到對情侶嘈到拆天,當時月台好多人等緊車,但個對情侶一於少理。

上咗車之後,對情侶就搵咗位坐,繼續係咁嘈,個女仔就喊爆,跟住個男仔就跪喺地下,喊晒口蚊耳仔,係咁認錯。陳小姐話,佢哋一直嘈到去將軍澳,個女子想落車,但係個男仔就攞住佢書包,唔俾女朋友落車,擾攘咗一陣之後,佢哋先一齊落咗車。

至於點解對情侶嘈得咁犀利?陳小姐就話個女子當時係咁話個男朋友...。Cut!正所謂清官難審家庭事,佢兩位又係成年人,感情問題嘅嘢,都係由當事人自己處理番啦。重點係,呢啲咁尷尬嘅行為,冇咩必要喺咁大庭廣眾嘅地方做啫,要理吓其他乘客嘅感受嘛!

你敢爆,我敢獎! 即Call《蘋果》24小時爆相爆片熱線63836568


鍾意就快D Share啦!
Related Posts Plugin for WordPress, Blogger...