32歲嘅盧凱彤（Ellen）日前喺跑馬地寓所墮樓身亡，琴日於香港殯儀館設靈及公祭，今早9時至11時大殮。Ellen嘅親朋好友，何韻詩、遺孀余靜萍（小余）、楊千嬅、容祖兒、吳雨霏及謝安琪等人，8時開始已陸續到達靈堂。雖然白頭人送黑頭人，但Ellen父母仍有現身，由Ellen哥哥陪同下，陪愛女走最後一段路。
大殮儀式完成後，由Ellen生前恩師黃耀明、摯友何韻詩、吳凱璍、吳瑋琦、蔡德才、黃偉勲、麥啟聰、陳兆基扶靈。受到貝碧嘉影響下，今早一直天色灰灰兼有風雨，不過大殮後，雨停了，喺陽光襯托下，滿佈白色蘭花的靈車駛離殯儀館，Ellen嘅遺孀小余坐在靈車內，捧住遺照到歌連臣角火葬場，摯友林二汶、岑寧兒坐喺小余左右，陪住Ellen走最後一程。靈車到達歌連臣角火葬場，先到場嘅何韻詩喺門外等棺木到達，白色棺木上有結他裝飾。捧住Ellen遺照嘅小余落車時神情哀傷，佢嘅父母及親友直入3號禮堂，準備告別式。
最後，由Ellen遺孀小余按扭，Ellen化為一縷青煙歸天國，得以安息，離開火葬場時，捧著Ellen遺照嘅小余，喺黃耀明、林二汶及何韻詩嘅陪同下，向傳媒躹躬，然後離開。而我們... 永遠都會懷念Ellen。我會奏著哀歌替你點亮燭光，你縱使一去不再復返，不見不散不見不散不見不散。
攝錄：陳亦龍、吳斯金、蕭敬漁
來源 source: http://nextplus.nextmedia.com
|
鍾意就快D Share啦！
|
|
|
