點擊圖片:
咦？咦？又比《壹仔》捉到個失蹤人口喎！一代豔星吳雪雯，當年同邱淑貞齊名。都就快五十有一，個樣仲keep 住咁靚，直情食咗「防腐劑」一樣，《壹仔》一眼就認得出佢
呢日下晝，吳雪雯帶住三個細路喺圓方出現。淡出娛樂圈咁多年，吳雪雯身材冇乜點變，仲好識打扮，牛仔䄛襯一條白色雪紡長裙，好飄逸呀！最神奇係啲皮膚，淡妝之下，明顯又白又滑，加埋完全冇走樣嘅五官，仙氣十足。呢位靚太表面樸實，睇真啲！都周身行頭架喎！呢個Goyard 手袋，約$15000 ，仲有Balenciaga 銀包，大約$6000 。
呢日見佢喺信用卡counter度徘徊 ，俾個服務員力sell 咗幾句，就申請新咭。之後開始填form 辦手續，搞咗一大輪，終於搞掂！跟住吳雪雯帶住三個細路行去停車場攞車走人。
唔講唔知大家仲記唔記得！當年吳雪雯拍住邱淑貞拍過王晶監製嘅三級片《香港寄案之強姦》，入面仲有露點演出，睇到人嘩嘩聲架！02 年吳雪雯收山嫁人，同富二代楊耀宗結婚之後，生咗兩個仔，養尊處優咁多年，又難怪keep 得咁好嘅！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
- 都就快五十有一，個樣仲keep 住咁靚，直情食咗「防腐劑」一樣。
- 淡妝之下，明顯又白又滑，加埋完全冇走樣嘅五官，仙氣十足。
- 入面仲有露點演出，睇到人嘩嘩聲架！
- 當年吳雪雯拍住邱淑貞拍過王晶監製嘅三級片《香港寄案之強姦》
- 當年吳雪雯拍過唔少性感照片。
- 一代豔星吳雪雯，當年同邱淑貞齊名。
- 02 年吳雪雯收山嫁人，同富二代楊耀宗結婚。
來源 source: http://nextplus.nextmedia.com
|
鍾意就快D Share啦！
|
|
|
