莊端兒憑35E爆衫上圍出道，現加入杜汶澤自家網台，用「事業心」報道一周大事。莊端兒原本見工網台秘書，被杜汶澤臨時拉夫出鏡，以動姿態加上抵死表達手法，引到見慣大場面的阿澤都忍俊不禁。
採訪：曹家誠
攝影：陳慧安
杜汶澤自家網台「杜汶澤喱騷Chapman To's Late Show」，最近推出全新節目「壹鳩大事回顧」，找向來以「事業心」重見稱的莊端兒化身性感女主播，二人以貼地抵死的方法報道香港每周發生大事。
其實早在兩星期前，阿澤已在社交網貼出一張莊端兒低胸OL裝照片，聲言想請她做秘書，引來不少網民留言羨慕，當中包括阿澤太太田蕊妮在內，阿田更抵死表示要請一位外表似古天樂的司機。
| | |
見工做秘書
日前莊端兒在天后接受本報訪問，談到今次與阿澤合作，她笑言全屬機緣巧合：「本來諗住見工做秘書，點知突然同我講話佢今日搵唔到人，不如你幫手錄，結果錄出嚟反應幾好，就係咁我由秘書變咗做主播。」
節目剛開始在網上播放，莊端兒除了身材令網民睇到嘩嘩聲外，她指身邊朋友反應有讚有彈，讚的是想不到可以搞笑，她說：「其實我私下好鍾意講爛gag引人笑，但阿澤就想我用較嚴肅嘅表情嚟錄，咁先顯到強烈反差。」而彈的是比較拘謹和緊張：「要慢慢適應，近來都不斷翻睇新聞報道，學習正式嘅新聞主播究竟係點。」
阿澤公司的女員工，包括楊浩兒（Double May）及貝依霖都有一個共通點，就是大家都屬有料之人，有一定cup數，莊端兒亦不例外：「係呀，我自細就俾人叫阿May，因為我喺屋企排第尾。」雖然同性對立，但在公司各司其職，絕無爭寵情形出現，她說：「完全冇咁嘅事，亦冇擔心過會，喺男多女少嘅公司點會出現呢啲情況。」
「由心口認識」
對於被標籤為「Double May」一群，加上要以性感打扮示人，莊端兒表示不介意大家將焦點放在心口上：「最好梗係認識我全身啦，我都有對腳嘅，但如果由心口開始認識我咁都OK，起碼有人識。」今次合作獲益良多，雖然阿澤用字有時比較粗俗，但她覺得完全沒有問題：「粗口我OK嘅，聽完唔會打冷震，有時我自己都忍唔住會爆埋一份。」
|
鍾意就快D Share啦！
|
|
|
