2018年8月14日 星期二

【爆相爆片】疑被炒魷發怒 女子巧明街演鬧劇 __,爆相爆片,

剛過去嘅周末,喺人來人往嘅觀塘巧明街街頭,竟見到一名穿水靴的四眼叔撳住個女人喺地,個女人不斷掙扎,大叫大嚷,有途人上前了解,被按地的女子大聲說:「佢( ...


剛過去嘅周末,喺人來人往嘅觀塘巧明街街頭,竟見到一名穿水靴的四眼叔撳住個女人喺地,個女人不斷掙扎,大叫大嚷,有途人上前了解,被按地的女子大聲說:「佢(男子)話我偷嘢呀!我要驗傷呀、拉埋佢呀、呢條友。」然後不斷粗言穢語狂駡該名四眼叔。

讀者楊小姐當日(11號)早上11時許返工途中,被這一幕映入眼簾,她聽到有人講「偷嘢」,她估計有人穿櫃筒底被識穿,從而引發爭執,她認出兩人都是附近一間工廈樓上食堂的職員,估計他們應該由食堂內追打到街外。

一名男途人經過見到二人糾纏,報警求助,並對該名遭撳地的女子說:「打咗3條9啦,你唔使掙扎啦,有差佬嚟。」女子不斷大嗌「驗傷呀! 拉埋佢呢條x街!」兩男女拉鋸近分鐘,四眼叔終於放手,女子一度坐起身,大駡四眼叔「不知所謂」,跟住她又再瞓地用手機反拍四眼叔,其間她不斷向途人說「佢(四眼叔)話我偷嘢呀...」又叫途人「你哋證明係佢推跌我呀。」有途人即說:「我見唔到呀!」

雖然被女事主痛駡,四眼叔未有開腔還擊,只顧行埋一邊不斷打電話,相當冷靜。但女事主就倩緒激動,仲用手機反拍拍攝她的途人。她其後又再指駡四眼叔「佢教人偷錢,拉佢上差館,唔好幫襯呢間公司!」

警方表示,上周六(11號)一名51歲男途人行經巧明街118號對開,見到街頭有一男一女爭執,其間男子報稱女子偷竊,該名途人遂報警求助,但警員到場,找不到該對爭執男女,列糾紛事件處理。

《蘋果》就去到涉事男女工作的食堂,老闆就話他今個月1號才接手經營,四眼叔是水吧職員,女是收銀員,「上一手佢已經係度做收銀,頂手後畀佢喺度繼續做」,未幾他發現有人精神有異,覺得自己請錯人,他指該名女收銀員經常駡人,不時粗言穢語,曾經試過「唔見錢」,最近連收銀機亦被整爛,雖然不敢肯定誰人做,但決定解僱該名女收銀員。

上周六老闆通知女收銀員要將她解僱,她即發癲狂駡人,「佢指住水吧師傅係咁鬧,又踢爛門外的菜牌,水吧師傅唔忿氣,見佢又整爛啲嘢,就追咗出去撳住佢。」老闆坦言沒有就「唔見錢」同「刑毀」報警。

你敢爆,我敢獎! 即Call《蘋果》24小時爆相爆片熱線63836568



女子甩身後,瞓地以手機反拍四眼叔。(讀者楊小姐提供) 女子甩身後,瞓地以手機反拍四眼叔。(讀者楊小姐提供)
女子被四眼叔撳在地上。(讀者楊小姐提供)

女子被四眼叔撳在地上。(讀者楊小姐提供)
女子不斷指罵四眼叔。(讀者楊小姐提供)

女子不斷指罵四眼叔。(讀者楊小姐提供)

鍾意就快D Share啦!
Related Posts Plugin for WordPress, Blogger...