2019年1月5日 星期六

【隨時做薛芷倫新抱】36歲黃心美偷嗒百億嫩男 同馬清偉26歲仔玩姊弟戀 __,薛芷倫,馬清偉,黃心美,

呢個男仔先搭住黃心美膊頭,之後更攬住佢個肚,仲摙咗佢個肚一下,咁close,你咪話俾《壹》仔聽係普通朋友喎!呢個好明顯就係黃心美一直唔出樣嘅男友,高高 ...




呢個男仔先搭住黃心美膊頭,之後更攬住佢個肚,仲摙咗佢個肚一下,咁close,你咪話俾《壹》仔聽係普通朋友喎!

呢個好明顯就係黃心美一直唔出樣嘅男友,高高大大,遠睇仲有啲似JJ林俊傑添!

經《壹》仔調查,發現呢位男友叫Justin馬桂烽,係大生地產主席馬清偉同波后薛芷倫嘅大仔,簡直係城中筍盤啊!

黃心美近日宣布離巢viu tv,唔再做viu 一姐。

由now去到viu tv已經有八年時間,啱啱做全民造星主持又獲好評,好多人都以為心美會繼續坐穩一姐位置,呢個moment突然退落黎,令人驚訝,佢表示自己未有打算去向,暫時會主力做司儀工作,既然係咁,襯住無約一身

輕,最好就係同男友拍拖吓

今年36歲佢喺15年同結婚四年半嘅老公離婚,上年佢喺ig公佈自己有新戀情,不過因為另一半係圈外人所以到而家都公開過另一半嘅樣。

呢日終於俾《壹》仔見到佢同男友出街拍拖。兩個人著住灰色情侶裝,好襯喎!

Justin而家26歲,15年喺美國大學畢業,同36歲嘅心美差成10年,大玩姊弟戀喎!

《壹》仔仲發現原來幾個月前JUSTIN 創業搞共享移動電源生意,唔只阿爸阿媽有去撐場,心美都有到場撐男友架!仲喺自己IG出POST幫男友賣廣告。

礙於身份,兩個人KEEP住低調行事,不過拍拖都要耍吓花槍嘅。

之後兩個拖住手走入高鐵站,買完飛準備入閘,唔知係咪第一次搭高鐵,心美左望右望似乎唔太識路。

兩個行裝咁輕便,睇怕都係淨有短假去個大陸一日遊,離開香港拍拖唔驚人發現啊嘛。

馬氏家族擁有大生銀行、大生地產,全資擁有市值22億嘅白加道一號,加埋估計有62億嘅施勳道物業,以及市值15.2億嘅大生地產,馬氏家族有過百億身家,唔怪得只得26歲嘅Justin係城中超筍盤。

阿妹黃心穎就同圈中筍盤馬明拍拖,家姐同城中超級有米筍盤一齊,兩姊妹一樣泊到好碼頭啊!

雖然男友係富二代,但其實心美自己本身家底都唔差,靠自己主持收入已經年賺二百萬,13年已經成功上車,唔洗靠富二代男友都一樣咁掂嘅!

攝錄:陳亦龍

相關新聞:【提起前夫仍會流淚】離婚無要求一毫子贍養費 黃心美:我信因果報應,唔係用錢可還到http://bit.ly/2ApkmLZ

鍾意就快D Share啦!
Related Posts Plugin for WordPress, Blogger...