2019年1月10日 星期四

【白頭人送黑頭人】跌傷後再經歷喪子之痛 73磅無綫「御用工人」梁愛仲撐得住 __,無綫,

(採訪:戴彩煥)(攝影:馮嘉銘、陳慧安)
「當你有工人,你要識使工人,你冇工人嗰陣,你要識做工人,有雙手你就搵到兩餐。」這是81歲前無綫「御用工人」梁愛最深切體會。相關新聞:【老戲骨演乜似乜】 ...


「當你有工人,你要識使工人,你冇工人嗰陣,你要識做工人,有雙手你就搵到兩餐。」這是81歲前無綫「御用工人」梁愛最深切體會。

相關新聞:【老戲骨演乜似乜】又係御用工人又係武林高手 81歲梁愛最經典被周星馳篤爆偷鮑魚



人稱愛姐的梁愛,是已故名導演左几太太,60年代拍粵語長片入行,直至70年代開始在無綫《江湖小子》、《狂潮》、《京華春夢》、《誓不低頭》、《他來自江湖》、《流氓大亨》甚至早前重播的《義不容情》等劇飾演女傭,由民初到現代,服侍過的事頭閒閒地過百。



原來,「御用工人」愛姐最風光時,曾經擁有3個工人和一個司機,直至67暴動,變成一無所有。

相關新聞:【丈夫係名導演】梁愛由工廠妹變演員 全因為名導演左几



愛姐日前接受《蘋果》專訪時說:「我都做咗幾十歲人,風光又試過,捱窮又試過,67暴動我又捱過,左派同右派鬥,我先生本來同泰國拍咗啲錄影帶同電影,佢哋話佢係左派嘅人,賣唔到過去(泰國),一夜之間唔見咗成60萬,破咗產,我由3個工人,結果我自己做咗工人。嗰時香港環境立立亂,佢又冇工開,我又冇工開,大家咪食穀種!」



為生活,愛姐走去工廠做包裝工人,丈夫亦變賣自己珍藏的魯迅作品及其他名書過活。愛姐感慨:「一個人擁有嘅嘢唔係必然,所以我奉勸每一個人,當你有工人,你要識使工人,冇工人嗰陣你要識做工人,有雙手你就搵到兩餐。」



後來麗的電視(亞視前身)邀左几和愛姐加盟,兩公婆一個幕後一個幕前,生活總算穩定下來。至70年代,愛姐過檔無綫,開始當上「御用工人」。



「可能我比較醒啲,有好多環境要自己執生,第二,我嗰時好發錢寒,因為我要供個仔喺英國讀書,工人係咪最容易搵錢呀?對白唔使記咁多,可以走幾組,老實講,嗰時都係為錢啫。後期冇咁為錢,咪話唔玩囉,識攰咪唔玩咁多囉。」



00年愛姐重返亞視後,也不時演女傭角色,隨着亞視減少劇集製作,愛姐開始淡出娛樂圈,僅偶爾客串舞台劇和港台劇集演出。



前年年中,愛姐在街上仆倒受傷,留院足足數個月。這一跌,愛姐體重由110磅急跌至73磅,亦因這一跌,導致腰骨痛,要經常服用止痛藥。



不過,止痛藥止得住愛姐肉體上的痛,止不了心靈上的痛,愛姐一生最疼錫的獨生子,數個月前在加拿大因隱性心臟病發猝死,終年55歲。



「上邊要人,佢咪收囉!佢同我say goodbye都冇講,咁就走咗啦。」提起獨生子,硬淨的愛姐忍不住落淚。



「我好似老鼠拉龜,佢走咗我唔可以跟住走㗎嘛,我要堅強!人哋覺得我會發癲,我畀佢睇到我係可以活下去。我本來唔郁得嘅(前年跌傷),我o依家話畀佢聽我又郁得、又可以活下去,我為呢個仔好緊張,所以我話我表面風光,內裏陰乾,一個女人,就算畀老公激親都唔係咁乜嘢,但你一生人嘅希望,個仔又唔係唔乖,佢又孝順、又好,一年返嚟睇你兩次,佢失驚無神離開咗你,你有乜嘢感想?在我嚟講好似耶穌釘十字架。」



愛姐跟丈夫左几,在片場邂逅相戀結婚,婚後誕下一子(左几與前妻有四子),後來為了兒子讀書而舉家移民溫哥華。97年左几病逝,愛姐00年回流香港拍劇,兒子一年兩次返港探望,去年兒子探完愛姐後,本訂了機票在去年11月初再返港,為愛姐81歲做大壽,豈料半年前兒子在家中猝死,愛姐回加國出席兒子喪禮,白頭人送黑頭人。



「不過佢死得好好、好舒服,佢從來冇心臟病,佢話頭痛上樓瞓覺,一瞓就瞓咗啦。」



愛姐邊抹眼淚邊說:「我同佢哋講晒拜拜,我哋三人行移民去加拿大,去完之後得番我一個返嚟香港,嗰種感受好難形容,我話:『阿爸,你個仔都跟埋你去下邊啦,睇我幾時嚟啦。』」



愛姐有一個孫仔一個孫女,兩個都快將30歲,在加拿大生活,愛姐習慣獨居生活,無意返加國定居,每日就由鐘點上門清潔打點,閒時相約好友食飯吹水。愛姐說前年仆倒受傷後,醫生本來評估她將臥床不起,叫她準備入住老人院,結果愛姐留院幾個月後,竟康復過來。



「我奉勸所有有病嘅人,一定要話畀自己聽:『我得嘅!』我起得到身……如果你插滿晒啲天綫(喉管)又唔死得,嗰種先係痛苦。命運弄人,如果我唔係咁硬朗,一早畀佢(上天)玩死咗!」



73磅的愛姐,仲撐得住。



精選娛聞,喺晒《娛果》

http://fb.com/appledailyent



(採訪:戴彩煥)(攝影:馮嘉銘、陳慧安) 「御用工人」梁愛獨生子月前猝死,白頭人送黑頭人。 「御用工人」梁愛獨生子月前猝死,白頭人送黑頭人。
愛姐說兒子未有跟她說再見便先行離開。

愛姐說兒子未有跟她說再見便先行離開。
想起兒子離世,愛姐忍不住落淚。

想起兒子離世,愛姐忍不住落淚。
體重跌到73磅的愛姐說自己仍撐得住。

體重跌到73磅的愛姐說自己仍撐得住。
 81歲梁愛說自己風光時曾有3個工人。

81歲梁愛說自己風光時曾有3個工人。
《義不容情》中落手落腳湊小朋友。 (無綫截圖)

《義不容情》中落手落腳湊小朋友。 (無綫截圖)
《義不容情》中為雲姨照顧子女。 (無綫截圖)

《義不容情》中為雲姨照顧子女。 (無綫截圖)
《他來自江湖》演梁芷珊管家,跟周星馳鬥得相當精彩。  (無綫截圖)

《他來自江湖》演梁芷珊管家,跟周星馳鬥得相當精彩。 (無綫截圖)
《回到未嫁時》為黎明和梁珊一家打工。  (無綫截圖)

《回到未嫁時》為黎明和梁珊一家打工。 (無綫截圖)
梁愛在《江湖小子》演羅蘭的女傭,周潤發是羅蘭的秘密情人 。 (無綫截圖)

梁愛在《江湖小子》演羅蘭的女傭,周潤發是羅蘭的秘密情人 。 (無綫截圖)
 《京華春夢》演汪明荃家女傭丁媽,跟阿姐有不少對手戲。 (無綫截圖)

《京華春夢》演汪明荃家女傭丁媽,跟阿姐有不少對手戲。 (無綫截圖)
愛姐《狂潮》演程一龍家的女傭。 (無綫截圖)

愛姐《狂潮》演程一龍家的女傭。 (無綫截圖)
愛姐演工人冇難度。  (無綫截圖)

愛姐演工人冇難度。 (無綫截圖)
《誓不低頭》演陸國榮家工人。 (無綫截圖)

《誓不低頭》演陸國榮家工人。 (無綫截圖)
梁愛獨生子跟媽咪餅印一樣。 (受訪者提供圖片)

梁愛獨生子跟媽咪餅印一樣。 (受訪者提供圖片)
愛姐跟兒子感情深厚。 (受訪者提供圖片)

愛姐跟兒子感情深厚。 (受訪者提供圖片)
亞視年代與馬景濤和李香琴拍《愛在有情天》。 (受訪者提供圖片)

亞視年代與馬景濤和李香琴拍《愛在有情天》。 (受訪者提供圖片)
《天涯歌女》中跟譚炳文演夫妻。 (無綫截圖)

《天涯歌女》中跟譚炳文演夫妻。 (無綫截圖)

鍾意就快D Share啦!
Related Posts Plugin for WordPress, Blogger...