掃呢頁CODE去手機

2019年1月10日 星期四

【娛樂人物】入行16年慳到盡沈卓盈離巢訴苦:表面風光 __,沈卓盈,

在無綫16年的沈大師,坦言只是「表面風光」,入行後依然是慳妹,只搭公共交通工具,食麵包充飢。
在無綫16年的沈大師,坦言只是「表面風光」,入行後依然是慳妹,只搭公共交通工具,食麵包充飢。現年34歲的「沈大師」沈卓盈去年底約滿無綫,她決定向外高飛 ...


現年34歲的「沈大師」沈卓盈去年底約滿無綫,她決定向外高飛,離開效力16年的娘家。沈大師日前接受《蘋果》專訪,雖然娛樂圈令她賺得名氣,但沈大師坦言:「係表面風光。」當年為了慳錢,更試過日啃兩個麵包充飢,還會買過季減價平衫出鏡。

採訪:比華利

攝影:林德雄

相關新聞:男朋友做守護神

沈卓盈去年底決定告別工作了16年的無綫,在02年時,當年18歲的沈大師參加無綫第四屆「《TVB周刊》Cover Girl選舉」奪冠入行,一做便到去年底為止。沈大師日前在尖沙嘴接受《蘋果》專訪,坦言深思熟慮下決定向外闖:「唔經唔覺16年啦,時間過得好快,當中有甜酸苦辣,唔同回憶,帶畀我成長,先有今日嘅自己。留喺公司有一定好處,佢畀咗一個好好嘅平台,令我安全同放心。不過,好好保護嘅溫室小花,係時候畀自己出去見吓世界,挑戰吓自己。」



沈大師(中)在02年參加《TVB周刊》選舉入行。資料圖片 沈大師(中)在02年參加《TVB周刊》選舉入行。資料圖片
沈大師(右)首部劇集就是在04年於《青出於藍》演主角趙頌茹的好友。電視圖片

沈大師(右)首部劇集就是在04年於《青出於藍》演主角趙頌茹的好友。電視圖片

靠金牛壓袋

沈大師過去多年演過《結.分@謊情式》、《賭城群英會》、《平安谷之詭谷傳說》及《特技人》等超過40套劇集,知名度雖然得以提高,但她並不覺得活得風光,她說:「我諗冇人覺得做娛樂圈係風光,都係表面風光,有苦自己知。」她表示入行後,一直做慳妹,出入只搭公共交通工具,每天兩個包充飢:「平時買定兩個包放喺袋,朝早食一個,晏晝食一個。因為趕時間,我會一路搭車,一路食,冇人認得,我都唔介意,我咬住啖包覺得好好味。」

可能不少人會替沈大師感到可憐,她卻自得其樂:「我又唔係咁諗,我鍾意食包,我鍾意食腸仔包、煙肉包、吞拿魚包,所以我唔覺得捱苦,我好享受喎。收工我又坐番城巴,再轉通宵車,唔會立亂嘥錢搭的士。」

回想首天返電視台開工,沈大師笑說爸爸給她一張金牛「壓袋」:「當時我見到一千蚊覺得好多錢,因為做學生,每星期嘅零用包搭車、早午餐同買文具,每個禮拜都只係二百蚊。我好感動,就拎住呢張金牛去返工,我同自己講唔可以亂咁使錢,因為屋企人賺錢好辛苦。」

沈大師自豪用父親給予的一千元起家,她說:「當年都冇諗過要將呢一千蚊點樣變好多錢,只係諗要好好善用。我呢樣嘢要讚一讚自己,爸爸喺我出道畀過一千蚊我,自此我冇問家人拎過錢,對我嚟講,唔係要屋企人畀好多嘢我,反而係我可以畀到乜嘢屋企人。」她表示由第一個月出糧開始,就開始將人工分一半做家用。

相關新聞:【選美入行】「沈大師」源自股評人



為拍《古靈精探B》的鋼管舞場景,沈大師苦練了一個星期。電視圖片

為拍《古靈精探B》的鋼管舞場景,沈大師苦練了一個星期。電視圖片
去年播出的《特技人》成為沈大師的告別作。劇照

去年播出的《特技人》成為沈大師的告別作。劇照
身形弗爆的沈大師,不時大晒長腿。

身形弗爆的沈大師,不時大晒長腿。

買過季平衫

沈大師續道:「之後呢十幾年都一樣,我會將自己人工一半貢獻屋企,我覺得係時候報答屋企,佢哋養咗我咁多年,我只希望屋企人可以生活舒服啲,𠵱家都係,呢個係我嘅責任。」無綫出名人工低,沈大師自問理財有道:「我係要買衫,但都夠使,我多數買減價貨,最叻網上格價,我仲會專揀過季衫買,買定唔同款同顏色,方便配搭,其實唔會有人知過季,最緊要着出嚟靚,我衣櫃啲衫會着完再着,環保呀。」

離開娘家,沈大師難忘在電視台開工時的甜酸苦辣,甜當然是同事間關懷問候,酸竟是拍劇集《怒火街頭》的一場落水戲,她說:「嗰場戲,我畀楊天經喺泳池㩒頭落水,嗰日替身no show,我唔識游水,個頭㩒到落到水底,我又唔識呼吸,飲咗好多啖泳池水,覺得自己好可憐,好辛酸。」



苦練鋼管舞

苦並不是拍苦情戲,反而是沈大師發覺自己演技上未能做足100分,有時會因為自責,而不禁哭出來。辣就是接受不同角色種種挑戰,沈大師憶起了為拍《古靈精探B》要跳鋼管舞:「最終知道係跳鋼管舞,立即滴汗,始終未接觸過,見到條鋼管唔識埋去,我撞到成隻腳瘀晒,於是的起心肝搵導師學,排咗一段分幾、兩分鐘片,用一星期速成,真正拍攝時就豁出去,我同自己講咁辛苦學番嚟,唔可以拍唔好,一定要爭氣,終於完成咗。」

場地提供:六公館




鍾意就快D Share啦!