2019年3月13日 星期三

謝安琪:Kay耳機失靈陷崩潰!阿聰漏夜寫長文撐愛妻 __,Kay,謝安琪,

今日係歌手謝安琪(Kay)42歲牛一,但佢尋晚就經歷咗前所未有咁徬徨嘅時刻!佢以風雲大使身份,現身首屆《KKBOX香港風雲榜頒獎典禮》,當唱出《羅生門 ...


今日係歌手謝安琪(Kay)42歲牛一,但佢尋晚就經歷咗前所未有咁徬徨嘅時刻!佢以風雲大使身份,現身首屆《KKBOX香港風雲榜頒獎典禮》,當唱出《羅生門》時,就不停示意咪及耳機出現問題,Kay惟有頂硬上演出,索性除掉耳機唱歌,自己數拍子,用專業搭救,最終演出順利,而台下觀眾都冇看出有任何異樣。但Kay甫落台就即刻爆喊,自己靠讀唇睇對手讀拍子,耳機只係得沙沙聲,而佢呢一喊連老公張繼聰(阿聰)都感到無比痛心!

就算已經清晨,阿聰都係ig發表長文力撐老婆已經做到最好,句句真摰,非常感動!雖然耳機失靈,但Kay有老公錫番,相信好快收拾心情喇!

阿聰留言話:「知道你為咗依個演出,花咗無數嘅心血去練習再練習,希望做到最好。可惜Live performance 永遠有無限嘅意外會發生,而今次發生嘅意外,係歌手最恐懼嘅一種...耳機失靈Sub stage 冇台mon ,整個表演聽唔到自己把聲,聽唔到音樂聲...只係聽到耳機嘅沙沙聲,同觀眾席音響彈番嚟嘅聲(會展咁大,我估回音會唔止一浸),現場有幾千名觀眾,唔喺現場嘅更有數唔到咁多嘅觀眾....

依種情境,任何表演者發夢遇到都保証會嚇醒,不過,可惜,今次單嘢係堅嘅。依二十分鐘嘅痛苦,恐懼,㥬惶,心血白費...對表演者嚟講,係災難。」

阿聰繼續用文字鼓勵老婆Kay:「災難係堅嘅,不過我認為你更堅,咁嘅環境,你仍然奮力完成整個演出,冇放棄任何一粒音任何一個小節,The Show Must Go On ,係一個表演者嘅專業。個騷你唔止go on ,仲充滿勇氣咁完成,同埋,如果唔係經過咁充足嘅練習,一定冇可能做到,一定冇可能。大佬,聽唔到聲照唱,部琴冇聲照彈,聽唔到音樂數唔到拍子照入歌喎,真係靠心中有劍。」

而同樣身為表演者的阿聰講明鼓勵老婆原因,並唔係因為佢哋係夫妻:「長篇大論,唔係因為我地嘅關係,而係大家都係表演者,所以好明白你經歷咗咩。意外冇人想嘅,不過你好叻,有d叻係要係危困當中先會展現出嚟。同埋今次之後,可以更加膽生毛啦,上到台冇嘢驚㗎

阿聰更叫Kay將呢個經歷當上天送畀佢嘅禮物,為老婆建立正面人生觀:「經歷係用嚟強化自己嘅 。312,個宇宙預早送依份禮物俾你,等你再Level Up ,算係咁最後最後Happy Birthday My Lady 313。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...