掃呢頁CODE去手機

2019年3月13日 星期三

鍾欣潼:C1:阿嬌舌戰辮子MC Jin __,MC Jin,鍾欣潼,阿嬌,

索爆人妻鍾欣潼(阿嬌)現身《我和星星有個約會》,今次的星級任務是實現「00後」男粉絲的MV夢,不過她眼前的「辮子嫩肉MCJin」Cyrus竟緊張到呆住 ...


索爆人妻鍾欣潼(阿嬌) 現身《我和星星有個約會》,今次的星級任務是實現 「00後」男粉絲的MV夢,不過她眼前的「辮子嫩肉MC Jin」Cyrus竟緊張到呆住Rap!「舌戰」 一輪後,阿嬌當堂火都嚟,將經典金句 「個個都拍拖,唔通個個都想拍拖」 升呢做「2.0」版本:「個個都Rap,唔通個個都識Rap咩!」

阿嬌是《我和星星有個約會》首位出動的女藝人,99年出道的她要幫男粉絲圓夢。年僅15歲的Cyrus外貌有點像MC Jin(歐陽靖),他特別喜歡阿嬌的作品《心多》,無限Loop都未能滿足到他對偶像的愛,最渴望能與心中女神置身MV中,一齊Rap一齊跳!他知道有幸近距離見到偶像騷Quali,即急Call三名女「嬌粉」撐場壯膽,阿嬌打招呼後,就示意四位忠粉上排舞室「辦正事」:「我知你哋嚟做乜嘢,跟我嚟!」

「壯膽女團」臨場縮沙

Cyrus見到偶像,明顯緊張多過興奮,阿嬌說:「一陣你跳晒呀!」他卻口窒窒:「點會我跳晒!」最搞笑是其「壯膽女團」竟齊聲說:「我哋陪㗎咋,陪襯咋!」入到排舞室,阿嬌提議先重溫一次MV片段,此時Cyrus信心滿滿說:「其實個MV我睇咗好多次,都記得部分舞步㗎!」更有備而來玩「變髮」,續說:「因為個MV入面嘅Dancers都係女仔嚟,不如等我戴番個假髮先。」阿嬌見狀驚呼:「你戴假髮?」見他揈出兩條小辮 子,瞬間變「還珠格格」,阿嬌掩嘴大笑,並大讚:「幾好喎……幾靚吖!」

急召排舞師特訓

當眾人都以為Cyrus有點睇頭,不過音樂響起要跳舞時,他只輕扭兩下,雙 手伸懶腰咁款擺幾下,睇到阿嬌眼凸凸,想到他揚言夢想是拍此曲MV卻又不熟舞步,難怪女神都有火:「你呢啲咩嚟㗎?又要提出要求,又唔識跳!」不過錫Fans的她又點會真心嬲,隨即就傳授獨門「扭腰趷籮」招式,並把隔籬練舞室的排舞師Rock捉過來替他上「速成班」。

經過一輪又一輪的練習,阿嬌覺得Cyrus是時候再Solo,Cyrus再次頭頂冒汗,但仍然頂硬上Show Time!可惜似乎愈急愈亂,竟將剛剛學完的舞步忘記得一乾二 淨!見他面有難色,阿嬌都心痛,即上前拍拍他的膊頭安慰:「好喇,就咁啦,你盡咗力㗎喇!」堅持完成目標 的Cyrus耗盡最後勇氣,誓要在偶像面前Rap一次,即MC Jin上身Rap 住唱:「我知道頭先我自己跳舞唔係幾好睇……」一口氣Rap完,阿嬌即時送「叻叻」稱讚!

更多新聞,請瀏覽東方日報網頁:

https://orientaldaily.on.cc/


來源 source: http://hk.on.cc
鍾意就快D Share啦!