2019年4月29日 星期一

【大俠的傳奇】曾為友出頭毆洋警官 狄龍:勝利有時沖昏頭腦 __,勝利,狄龍,

攝影:仇志德
11歲做學徒,在夜校讀到初中就輟學,在銀幕上扮演大俠和大佬的狄龍,誰會想到學歷不高的他,銀幕下卻是一位出口成文的智者。相關新聞:【回頭是岸長相廝守】4 ...


11歲做學徒,在夜校讀到初中就輟學,在銀幕上扮演大俠和大佬的狄龍,誰會想到學歷不高的他,銀幕下卻是一位出口成文的智者。

相關新聞:【回頭是岸長相廝守】44年婚姻曾受引誘 狄龍知錯:自己都有內疚



出身邵氏武打影星的狄龍,日前在土瓜灣接受《蘋果》專訪,現73歲的他仍腰板挺直,說話鏗鏘;回首前半生,雖然小時候家裏很窮,但狄龍說:「而家諗番起,就係『千金難買少年窮,萬金難買老來瘦。』人生就係咁,冇經過當初嘅苦、當初嘅窮,當初嘅掙扎、當初嘅被詆毀、被看輕,你唔會有今日嘅奮力上進。細個時候有啲叔伯用一個好貶嘅詞,話我係小不用,大佬係大不用,點解呢,睇唔起你哋囉,因為你哋出身背景唔夠好,學問知識唔得高。咁我就覺得壓力越大,反抗越強,吃得苦中苦,方為人上人。」



因為讀得書少被看輕,狄龍惟有自我增值:「我讀到夜校初中就冇讀,我其實係做半童工,一直送火水、送牛奶,人生滋味就好似一條抹枱布,五味雜陳,酸甜苦辣都喺裏面。好多嘢都係自學,好似英文,後期轉咗去半島酒店做洋服學徒,同洋人交易,睇多啲英文書,聽多啲,所以日常英語會話,我都OK嘅。」當年在洋服店學師做到售貨員,薪金有2,000多元,狄龍說:「等於而家2、3萬蚊一個月,咁我細個鍾意睇戲,睇關德興、石堅、于素秋,好迷嘅,夜晚我去健身,練得幾硬朗,睇到邵氏招考新演員,咁我就膽大大,我諗而家年紀如果唔試,邊有機會再試,咁我托朋友寫封信,因為我啲字寫得唔係咁好,托朋友寫得端莊啲,投寄咗照片。」



當日投考試鏡情況,狄龍仍歷歷在目:「記得仲要打套拳,講幾句國語,我啲國語梗係笑死人啦,咁張徹導演取錄咗我,當時何冠昌先生同我講:『睇你嘅外表,我哋公司會培養你,呢個係你嘅終身職業!』嘩,呢句說話呢,突然間喺個腦轟一下開竅,因為有兩個職業係我最鍾意嘅,一個係投考警察,但係好不幸『肥佬』,咁就走去考演員,結果成功取錄咗,編排入訓練班。但當年收入好微薄,得500蚊一個月,簽8年,記得我首先同老母講:『媽,我而家搵到份嘢做,但我呢幾年都唔會畀到錢你。』阿媽就話你去做啦,但我同老闆請辭時,佢願意加我人工,我同老闆講,我去行船,呃佢!」



結果狄龍加入邵氏後,展開了至今50年的演藝生涯,憑《刺馬》、《天涯明月刀》、《少林寺》、《英雄本色》等電影紅遍東南亞,耿直的狄龍坦言曾被名利沖昏頭腦:「好慶幸一帆風順,亦都有迷失嘅時間,勝利有時沖昏頭腦,『當時年少春衫薄,騎馬倚斜橋,滿樓紅袖招(《菩薩蠻》 韋莊)』,嗰種驕傲感同成就感沖昏頭腦,結果闖禍,喺夜店同啲洋人警官發生毆鬥。」回首前塵,狄龍搖頭說:「一件醜事,雖然係冇打敗,但都犯咗官非,亦都多謝張徹導演同邵逸夫先生出手營救我,當時情形係洋人警官飲醉酒,同我嘅朋友毆鬥,我嘅朋友唔夠打,結果負傷,咁我識聽佢講嗰啲英文……都係唔好講啦,醜事,唔應該咁嘅,後來法官都原諒咗我,咁畀我一條生路,如果唔係,呢個成為我終身嘅污點!所以,我而家勸個仔都係,你血氣方剛時,對飲酒戒之在鬥,千祈唔好撩事生非。」



而在邵氏18年,狄龍跟楚原導演合作很多,對於楚原叔在金像獎的一番感言,狄龍說:「楚原導演畀我最受益金句:『你要變成泥土!』我踩住前人嘅泥土行,我變成泥土,俾後人踩住我繼續前進。『落紅不是無情物,化作春泥更護花。(出自於龔自珍的《己亥雜詩·其五》)』」而狄龍的人生金句,就是「做到老學到老、包容、尊重自己、原諒別人,清濁並包、善惡兼容」,他說:「冇人真係想犯惡做衰人,只不過有時環境或迫於無奈有苦衷,你咁睇就唔會有憎恨心,平常心去包容大是非。」



做到老學到老的狄龍,將首次參與音樂劇《搭錯車》演出,扮演「啞叔」一角,83年電影《搭錯車》由孫越扮演「啞叔」,孫越更憑此角封金馬影帝,珠玉在前,狄龍說:「電影睇好多次,有鼓勵作用,因為孫越始終係一個好成熟、好有大器同內涵嘅藝人,佢仲有智慧,同埋佢係虔誠嘅基督徒,信念同念力好夠,我係好欣賞佢。今次高志森導演做我指導,佢提供好多寶貴意見畀我,所以呢方面我都唔使操心,冇乜叫做難,工作一部份,手語有啲複雜性,所以我有時做得唔完美,但面上感情補足番。」



撰文:余燕儀

攝影:仇志德

攝錄:廖達燊

髮型:Mike Ting @ HAiR

化妝:Josephine @ J LAB

場地:8度海逸酒店



【編輯推介】



【暴雨過後】貼新相重回正軌 鄭秀文:不回望,向前看

https://bit.ly/2ZJEUu3



【電梯擁吻】何超蓮撻着30歲內地男星竇驍 二人微博公告拍拖:狗糧狗糧!

https://bit.ly/2L8zAx2



【中港車逆線駕駛】叫涉事受僱司機自首 吳啟明在車上目擊:嗰幕好驚險

https://bit.ly/2VAtJ7q



【韓娛圈醜聞】明日再接受調查 專家分析朴有天疑講大話

https://bit.ly/2DB6VdK



【韓娛圈醜聞】生前錄音透露有生命危險 警方稱張子妍案冇調查價值

https://bit.ly/2Wf96ec



《MCU寶石時軸全記錄》

1套6冊解構Marvel電影宇宙

入場睇Endgame前必讀天書!

https://hk.adai.ly/IFk7iee55V

-----------------------------

【記住63836568】全民爆相爆片!下一個爆料王就係你

https://bit.ly/2Guolu9

-----------------------------

星期一至五晚上10點半

《動腦Q》Let's Q the money!

http://bit.ly/2QW8LcI



攝影:仇志德 狄龍11歲做學徒 狄龍11歲做學徒
狄龍:「人生滋味就好似一條抹枱布,五味雜陳。」

狄龍:「人生滋味就好似一條抹枱布,五味雜陳。」
狄龍跟成龍、梅艷芳合作拍電影《醉拳II》

狄龍跟成龍、梅艷芳合作拍電影《醉拳II》
縱橫影視圈數十年的狄龍,好慶幸一帆風順,亦都有迷失嘅時間,勝利有時沖昏頭腦。

縱橫影視圈數十年的狄龍,好慶幸一帆風順,亦都有迷失嘅時間,勝利有時沖昏頭腦。
《刺馬》令狄龍一舉成名(劇照)

《刺馬》令狄龍一舉成名(劇照)
狄龍嘅人生金句是「做到老學到老,善惡兼容」

狄龍嘅人生金句是「做到老學到老,善惡兼容」
林蛟是狄龍嘅師傅(資料圖片)

林蛟是狄龍嘅師傅(資料圖片)
當年狄龍投考邵氏,由張徹導演錄取。(資料圖片)

當年狄龍投考邵氏,由張徹導演錄取。(資料圖片)
在第12屆金紫荊頒獎禮獲卓越成就獎。(資料圖片)

在第12屆金紫荊頒獎禮獲卓越成就獎。(資料圖片)
《英雄本色》令狄龍再闖高峯

《英雄本色》令狄龍再闖高峯
《十三太保》

《十三太保》
《楚留香》

《楚留香》

鍾意就快D Share啦!
Related Posts Plugin for WordPress, Blogger...