麥美恩（Mayanne）和麥明詩曾經被指撞樣，想不到麥美恩媽咪最近又被人認錯是黃心穎媽咪，在加拿大遭街坊指指點點。
「安心偷食」最近成為熱話，更傳遍加拿大的華人社區。而麥美恩媽媽一直長居加拿大，並在當地經營一間店舖，今日有報道指麥媽媽疑被街坊「點錯相」，以為她是心穎媽媽，故每次經過店舖都會對她投以奇異目光及竊竊私語，令麥媽媽非常無奈。估計認錯的原因，是因為麥美恩和心穎都是在溫哥華長大，同樣是港姐出身，之後又一齊拍《學是學非》而為成好朋友，加上麥媽媽曾亮相大台節目《星星探親團》，所以不少當地華人都知道她有個女在香港做藝人。
麥美恩今日在中環出席活動說：「我諗有少少誤會，其實我媽咪好易認，肥嘟嘟，好師奶。而佢（媽咪）之前都喺節目出現過，其實都唔難認。」問到擔不擔心媽咪？她說：「誤會啫，唔擔心，媽咪有自己工作同家庭生活，佢都唔會太在意，亦唔會受新聞影響。或者我多啲帶媽咪出嚟見大家，佢真係好易認，如公司做節目需要訪問佢，我就帶佢出嚟。」
Mayanne透露希望暑期可以請假返加拿大探家人，她說：「因為有親戚擺酒，都想攞個短假探屋企人。」有沒有聯絡心穎？她說：「暫時都想畀啲空間佢，要講嘅都講晒。」
另今日活動上Mayanne有機會戴上一隻價值3千7百萬元的鮮彩藍寶石戒指，她笑言好興奮：「女仔始終都要戴一次，我都好希望買一隻，如果將來自己有個女，就可以傳畀下一代，覺得好有紀念意義同價值。」會否叫緋聞男友許文軒送戒指？她說：「緋聞男友就唔使喇，但如果佢有眼光，我都唔介意。」
《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
|
鍾意就快D Share啦！
|
|
|
