2019年5月2日 星期四

【安心偷食餘震】 潛水惹公憤 網友聯署迫無線K.O黃心穎 __,黃心穎,

【安心偷食餘震】潛水惹公憤網友聯署迫無線K.O黃心穎20分鐘前安心偷食發生咗半個月,許志安第一時間走出嚟死狗認錯,話自己係「壞咗嘅人」,總算輓留到觀眾 ...


  • 【安心偷食餘震】 潛水惹公憤 網友聯署迫無線K.O黃心穎
  • 20分鐘前




安心偷食發生咗半個月,許志安第一時間走出嚟死狗認錯,話自己係「壞咗嘅人」,總算輓留到觀眾對佢謹有的同情心。相反,搞人老公、男友成癮嘅黃心穎,只係Ig草草道歉了事。大台無大懲大戒,只係停工雪藏,黃心穎襯住入咗「雪櫃」,係上月底鬼竄由澳門,經菲律賓潛逃去美國讀演藝課程避世。自己一走了之,以為乾手淨腳,點知辣㷫網友「做嘢」,係社交網站發動「驅狐行動」,要求無線與黃心穎即時終止經理人合約、考慮褫奪其2012年香港小姐亞軍資格,以及要求黃心穎真人露面向公眾道歉,期望簽署達1萬人時再向大台轉達訴求,短短十日已有千六人簽署。

正當黃心穎在外地「靜思己過」,她遺留下來的「蘇州屎」,就要大台其他藝人捱義氣幫佢執手尾。黎諾懿主持的旅遊節目《懿想得到》,由她充當嘉賓的那一集要由剛去完哥倫比亞拍《打工仔捱世界3》的楊明候命補拍,仲因為「補飛」使凸,要極慳住使添!她拍好的幾套劇、《堅離地愛堅離地》、《丫鬟大聯盟》、《牛下女高音》焗住要抽起避風頭,連累首次擔正嘅張振朗,心血石沉大海。至於佢有份演出嘅《法證先鋒IV》,由於是台慶重頭劇,又同內地簽咗同步合約,為免黃心穎的偷食事件,影響播劇所需要攞到的批文,決定換角重拍,包括台灣的外景部分,保守估計,要額外使成千萬賣單。

就連黃心穎的圈外家姐都難逃被網友洗版鬧爆,嫁到澳門的二家姐黃心妙今日貼文留言稱「活在一個充滿語言暴力的年代⋯⋯大家都化身為判官,選擇以暴易暴....」

黃心穎犯錯,大台冇嚴懲大戒,仲有家人、同事幫手承擔後果,相比之下,當日殘廁gathering的Coffee林芊妤, 冇留底蘇州屎,但係就俾大台無情解約,所以幾時都話,世界邊有公平㗎!


鍾意就快D Share啦!
Related Posts Plugin for WordPress, Blogger...