現年27歲，14年港姐季軍何艷娟昨日宣布跟擁30億身家，大她40年的賭王頭馬，澳博營運總裁吳志誠分開。結婚8個月戲劇性玩完，原來宣佈離婚前一晚，何艷娟現身中環藝穗會，一啲唔開心嘅樣都無，更同一個年若五十幾歲嘅男人喺PARTY連環咀，親熱到你唔信。
何艷娟婚後表示感激老公讓她見多識廣，享受富貴生活，不過兩人相處日子愈久，愈發覺唔夾。尤其是何艷娟希望有小孩，但老公想法卻不一致，個多月前，兩人更嗌大交，心情不好的何艷娟周圍飛去外地散心。
不過，就在她在ig宣佈離婚前一晚，有人目睹她跟一位年約五十多的新歡出席中環藝穗會搞的爵士PARTY，兩人在場內不單跳舞，新歡跳得興奮時，更會忍不住咀何艷娟。音樂加酒精，飲到high爆的中佬新歡，更差點撞到場內的樂隊，就算何艷娟勸他不要再飲，意圖拿走他手中的酒杯，他也未有理會。睇落有點醉的中佬手舞足蹈好high之餘，更不時把頭挨向何艷娟身體，起勢咁索她身上浸除。酒醉三分醒，中佬有時都很細心，幫何艷娟撥頭髮，很gentleman，冧得何艷娟都主動挨個頭埋去，又伸手攬晒頸，之後愈攬愈落攬實個啤酒肚，不知幾纏綿。
雖然跟老公剛分開，不過有新歡陪跳陪玩，何艷娟似乎心情大好，兩人在場內連咀三次，十分sweet。
來源 source: http://nextplus.nextmedia.com
|
鍾意就快D Share啦！
|
|
|
