2019年6月21日 星期五

唔似林鄭向百萬人道歉都黑面 曾俊華企定定笑笑口同老人家打招呼 __,曾俊華,

面對百萬計市民,林鄭黑住面道歉,連鞠躬都無,睇嚟佢唔係太情願。另一邊廂,2017年特首選戰民調高都選唔到嘅曾俊華,笑笑口咁歎住啡傾公事,隔離枱伯伯同佢 ...




面對百萬計市民,林鄭黑住面道歉,連鞠躬都無,睇嚟佢唔係太情願。另一邊廂,2017年特首選戰民調高都選唔到嘅曾俊華,笑笑口咁歎住啡傾公事,隔離枱伯伯同佢打招呼又會彈起身同人握手,身軀微彎顯得態度恭謹。嘩!兩人真係差天共地。

林鄭強推惡法,無視6.9過百萬人上街堅持二讀。甚至6.12發生警民衝突,仲好意思發表老母教仔論強調打者愛也,別忘記據聞私下定性為「暴動」嘅都係佢,難怪被鬧貓哭老鼠。直到事件愈演愈烈,佢就問責制變卸責制,將「暴動」說法卸畀警隊。

至於曾俊華,競選特首後好少再經營FB專頁,佢自己都話離開政府工作之後希望少講政治,但眼見6.12警民衝突始終忍唔住拍片upload,勸警隊維持傳統和聲譽唔好被情緒影響;又呼籲年輕人唔好喺頭腦發熱時做啲返唔到轉到嘅事。雖則都被人鬧佢講廢話,兩邊討好又各打五十,但姿態明顯令人舒服好多。

的確,比起傲慢林鄭,曾俊華有名你叫薯片叔叔,證明份人親切好多。早前《壹》仔見佢同人坐低歎啡,傾到四萬咁口應該係朋友聚會,點知枱面有部電腦顯示「薯片叔叔共創社」,原來傾緊公事。對住員工做正經嘢都咁好面色,黑住面道歉嘅林鄭真係無得比,亦相信跟林鄭搵食嗰班高官都唔會有好面色歎,卸落嚟嘅鑊就大把。另外,曾俊華對住老百姓亦好友善,有伯伯認得佢打招呼,立即起身還禮握手做到足,唔似得某啲人口講Sorry但鞠躬做吓樣都唔制。

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!

鍾意就快D Share啦!
Related Posts Plugin for WordPress, Blogger...