2019年8月23日 星期五

何婉盈:減咗80磅 9男女開騷何婉盈陸家俊爭認細 __,何婉盈,陸家俊,

一人三首冇交嗌!復出樂壇的何婉盈、陸家俊夥拍同年代的「九男女」歌手開騷,預告台前集體回憶一齊唱K,台後就食薯片開派對,因有人分擔孭飛,所以全無票房壓力 ...


一人三首冇交嗌!


復出樂壇的何婉盈、陸家俊夥拍同年代的「九男女」歌手開騷,預告台前集體回憶一齊唱K,台後就食薯片開派對,因有人分擔孭飛,所以全無票房壓力。

早已退出樂壇的何婉盈、陸家俊、黃寶欣、黃翊及黎明詩因無綫節目《流行經典50年》的撮合,與多位同屬八、九十年代的歌手重聚,更自組「經典同學會」,9月他們將聯同莫鎮賢(Kan)、林利、胡渭康及文佩玲合共「九男女」攜手在伊館開騷。婉盈孖家俊、Kan受訪時坦言,今次機會實屬難得,Kan笑說:「依家樂壇有好多小仙女、小鮮肉,佢哋覺得我係大叔嚟!」熱愛唱歌的他近年從事演藝教育工作,並說:「我嗰代繼續唱唔係咁多個,佢哋回歸一齊唱係開心嘅。」

三人形容今次開騷感覺似敍舊開派對,當年樂壇競爭很大,不時傳出爭位、爭出場,問到他們九人今次可有「爭唱」?他們笑說:「可能我哋唔再係年輕搏殺,冇爭歌、排位,每人唱三首主打歌,又會男男女女唔同組合合唱。」他們率先爆當晚的快歌環節,舞台上會有巨型銀幕,就像跟觀眾一齊唱卡拉OK:「集體回憶,已經諗到個畫面帶動全場,喚醒我哋沉睡咗嘅骨膠原。」

莫鎮賢Keep住好狀態

九男女共同孭票房,是否壓力大減?三人大表認同:「梗係所以我哋會買定雞翼、薯片喺後台開餐,已經諗定玩到癲。」婉盈表示現時心態不同,輕鬆得多,是抱着與老友見面的心態,又笑言歡迎廣告商招手,他們說:「雪糕、月餅,九星伴月嘛!」雖然九人之中,家俊年紀最輕,但他比婉盈早入行,婉盈笑說:「原來我係師妹,終於可以認細。」而家俊為復出努力減磅,已經成功減掉80磅:「不嬲都講減肥一啲都唔辛苦,係心態問題,如果心態調節得好,減得快又唔會反彈。」多年來都Keep得不俗的Kan表示,作為表演者,控制體重、體態是他們的天職和責任。

場地:太子酒店

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...