2019年8月23日 星期五

馮盈盈:傳方駿暉過檔myTV SUPER 馮盈盈激情旁述似買餸 __,myTV,方駿暉,馮盈盈,

馬季就快開鑼喇!myTVSUPER全新賽馬頻道「myTVSUPER18台」,將於9月1日正式啟播,為馬迷提供本地賽馬資訊。據知,myTVSUPER為隆 ...


馬季就快開鑼喇!


myTV SUPER全新賽馬頻道「myTV SUPER 18台」,將於9月1日正式啟播,為馬迷提供本地賽馬資訊。據知,myTV SUPER為隆重其事,特別出銀彈向有線挖角,將有線賽馬節目的台前幕後班底「打包」撬過檔,當中包括殿堂級評馬人方駿暉、積奇與人氣馬評家文東!

除了打造最強主持陣容, myTV SUPER 18台日前特別在沙田馬場拍攝前哨節目《後生仔傾馬仔》作宣傳,由前港姐馮盈盈、高海寧與組合艾粒唐劍康(Donald)、甄子康(少爺占)及主持鄺家銘笑談馬圈趣事。盈盈在節目中自爆讀大學時曾到馬會做兼職,推廣流動投注應用程式,人工還不俗:「嗰陣每個星期都返工,最開心係返工經常有唔同嘅造型,好似法國淑女、和服少女,仲有Cyber造型添!時薪有三位數㗎!」鄺家銘笑問「三圍」數,盈盈笑說:「我三圍數字就比較小, 但嗰陣人工就好好。」少爺占即笑說:「你層樓第一桶金就喺嗰陣賺番嚟㗎啦?我夠試過着條短裙仔去應徵囉,唔請我之嘛!」

盈盈隨後又以激情聲線旁述賽馬,保持一貫「嘈吵Style」,十分爆笑,但被艾粒寸爆指似去街市買餸。到少爺占旁述時,她反擊說:「我細細個就聽你哋做節目㗎喇!係咪有DJ聲線去旁述?」Donald玩挑撥:「占爺佢挑你機喎!」又取笑少爺占的旁述似喊驚。充滿奇想的盈盈被問到在「婦女銀袋日」可以加入甚麼新元素?她笑說:「不如我扮馬,然後畀高Ling騎?」少爺占喝斥笑說:「夠喇! 我哋係18台啊!唔係18歲台呀。」

受訪時,盈盈指當時在馬會兼職一年,最開心是能夠發揮其Cosplay潛能:「嗰陣返工好開心,返一日工有成四位數字,最難忘係啱啱識男友寶寶,跑夜馬嗰陣佢仲特登過嚟接我放工添,真係好體貼!」又自言是艾粒的粉絲,首次見面更邀兩人合照:「唔好意思都要講,我真係由細睇佢哋睇到大,初中已經聽佢哋節目,又唱佢哋嘅搞笑歌,好似『我我我我有胸部……』今日見到佢哋好似小粉絲咁呀。」

艾粒讚敢言的盈盈沒有包袱:「見佢咁跳脫,我哋咪收啲囉!佢幾破格,但都有分寸嘅,依家好少咁講到嘢嘅年輕人。」問到可有興趣挑戰旁述賽馬?少爺占笑說:「真係好難,特別對我哋呢啲對講嘢咁有包袱,接受唔到講嘢太快,咬字唔清楚。 」Donald則笑說: 「除咗口快,仲要眼快,旁述係冇稿,都唔知點分邊個騎師。」

前港姐高海寧(高Ling)參與拍攝myTV SUPER 18台節目《後生仔傾馬仔》,自爆第一次入馬場已經有斬獲:「因為嗰陣每年港姐都會出席『婦女銀袋日』,第一次入馬場啲人話會有Luck,咁就跟人哋買咗一百蚊,人哋叫買乜就買乜,我唔知買咗乜㗎!哈哈!最後就中咗成千蚊,早知買多啲。」

自嘲口才麻麻的高Ling應主持要求嘗試旁述賽事,但甩甩咳咳,她笑說:「我有少少閱讀困難症,我記劇本就好叻,因為理解咗個意思再講出嚟,但唔可以望住啲字去讀!有時配音要睇住讀,我就會甩甩咳咳,發覺對眼係快過個腦,所以我係要理解咗先,做每一行都有自己獨特嘅技巧。」

高海寧一擊即中 後悔買得少

前港姐高海寧(高Ling)參與拍攝myTV SUPER 18台節目《後生仔傾馬仔》,自爆第一次入馬場已經有斬獲:「因為嗰陣每年港姐都會出席『婦女銀袋日』,第一次入馬場啲人話會有Luck,咁就跟人哋買咗一百蚊,人哋叫買乜就買乜,我唔知買咗乜㗎!哈哈!最後就中咗成千蚊,早知買多啲。」

自嘲口才麻麻的的高Ling應主持要求嘗試旁述賽事,但甩甩咳咳,她笑說:「我有少少閱讀困難症,我記劇本就好叻,因為理解咗個意思再講出嚟,但唔可以望住啲字去讀!有時配音要睇住讀,我就會甩甩咳咳,發覺對眼係快過個腦,所以我係要理解咗先,做每一行都有自己獨特嘅技巧。」

全新賽馬專區 醒你免費睇半年!

由2019年9月1日起,myTV SUPER全新頻道myTV SUPER 18台正式面世,提供全面本地賽馬資訊,從馬圈消息、晨操片段、賽前分析、賽事直播到賽後檢討,全方位一一涵蓋。myTV SUPER還增設「賽馬」專區,提供貼士、賽事、預測與策略等賽馬資訊。為慶祝「myTV SUPER 18 台」啟播,所有客戶(商業客戶除外)可收看六個月不另收費,觀看日期為2019年9 月1日至2020年2月29日。(節目如有更改, 以myTV SUPER最後公布為準)

評馬三劍俠

理論達人方駿暉:著名馬評人「方Sir」方駿暉原名劉志強,1989年由中學老師轉戰馬圈寫馬經,評馬之餘還喜歡講如何理性參與這個遊戲,順道講出人生道理。希望馬迷懂得獨立思考,分析賽事,不可以孤注一擲,指跑馬講「機率」--命中率+賠率+注碼,一定要量力而為。方Sir擅長以步速、賽績統計等科學方法分析賽事形勢,其中研究賽馬理論包括「馬房變倍器」、「群駒密攏、不能作準」、「單打獨鬥,賽績優秀」與「同日同程時間比較」等,向馬迷提供貼士及解讀賽績!

晨操專家積奇:著名資深馬評家積奇,擁有超過30年馬匹觀操經驗,並於馬經撰寫專欄,曾主持有線18台賽馬節目。他主攻晨操賽馬節目,全個馬季無間斷每朝駐守欄邊,精於觀察馬匹狀態走勢變化,風雨不改,是最值得信賴的晨操專家!

講馬之王文東:人氣馬評家文東入行超過19 年,出身自香港賽馬會舉辦的評馬比賽「講馬之王」,初期於馬會市場部工作,後轉職擔任馬會賽馬節目擔任主持,展開評馬生涯。多年來穿梭港、澳兩地賽馬會,為有線18台、澳亞衛視等電視台主持賽馬預測及直擊節目,縱橫珠三角。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...