2019年8月23日 星期五

焦媛:廖安麗逼焦媛除淨底裙 出力胸襲嗌手感好 __,廖安麗,焦媛,

廖安麗同焦媛一齊演出舞台劇。舞台劇演員焦媛和廖安麗主演的舞台劇《色戒》今晚首場公演,下午二人身穿旗袍戲服「踩場」進行總綵排,席間率先上演焦媛早前透露的 ...


廖安麗同焦媛一齊演出舞台劇。


舞台劇演員焦媛和廖安麗主演的舞台劇《色戒》今晚首場公演,下午二人身穿旗袍戲服「踩場」進行總綵排,席間率先上演焦媛早前透露的「女女」大膽戲份,見焦媛被廖安麗喝令除衫,對鏡除淨貼身性感透視金色底裙時,即被廖安麗出手大力胸襲,不停搓圓撳扁,又嘲諷其身材,超大尺度令人噴血!

受訪時問到廖安麗使出「擒拿手」可會尷尬?她大笑說:「點會尷尬?原來係我『色』佢!(焦媛係咪好有料?)你睇吓佢,佢為咗呢套戲做咗好多嘢囉!」被爆料的焦媛笑住為「加料」解畫:「條底裙比較透,係度身訂造,但做舞台劇每個人要袋兩枝咪,又要為咗身形靚,如果後面有兩個咪Pad咁咪好肉酸?所以我擺咗喺胸前,不過好痛!因為Annie姐(廖安麗)好投入,真係揸落去,佢愈用力愈痛!」廖安麗再爆料指就連綵排都有出力揸:「揸咗兩個月,唔揸好難投入,手感仲好啲添!我都係第一次揸女人胸。」問到焦媛胸部可有瘀傷?她抵死笑話:「嗰時綵排冇兩個咪Pad。」

焦媛表示這場戲份是導演新加,跟電影版本、原著不同,廖安麗更笑說當初排練時被導演覺得演得太似同性戀,後來拿捏得好才演得出兩女互相存妒忌之心。焦媛再透露跟「易先生」周家輝之間的身體語言有暴力感覺,特意邀請形體指導老師,二人又互笠高帽大讚對方勤力、演技好。

闊別舞台3年的廖安麗表示會有好多朋友前來捧場,自認恨演舞台劇的她,就連前日正日生日都在綵排中度過:「換緊衫嗰陣,導演係咁叫我出嚟,原來準備咗Surprise蛋糕畀我,好開心!雖然我依家唔係全職演員,但好鍾意做戲。」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...