2019年8月21日 星期三

容祖兒:天后都推?容祖兒自薦做嘉賓 蔡一傑:我諗吓 __,容祖兒,蔡一傑,

第十五場邀請草蜢做嘉賓。樂壇天后容祖兒第十五場《PRETTYCRAZY演唱會》,有不少圈中好友到場支持,包括何嘉莉、湯寶如、薛家燕、王梓軒、組合Sup ...


第十五場邀請草蜢做嘉賓。


樂壇天后容祖兒第十五場《PRETTY CRAZY演唱會》,有不少圈中好友到場支持,包括何嘉莉、湯寶如、薛家燕、王梓軒、組合Super Girls成員Aka與Heidi、陳潔靈、陳慧嫻、林珊珊、林奕匡夫婦、森美夫婦等,台下星光熠熠。

休息一天後,祖兒狀態大勇,開場不久就同觀眾爆料:「今日出場前,唔知點解被反鎖喺廁所,要人嚟救先開到門。」叫歌迷多給她正能量趕走負能量,而觀眾一呼百應,成晚瘋狂大合唱。

到嘉賓環節,祖兒就話:「連日嚟粒粒巨星,不過學農夫話齋,你哋都知係邊個啦.....都唔好玩嘅.....但係我都要介紹一吓,今日係昆蟲類,有三隻,有一個跳舞跳到開學校,有個跳到頭髮長過我,有個跳到扭吓、擰吓,遲啲仲會自己開演唱會,有佢哋嘅地方好似開Party咁開心。」

祖兒先與草蜢合唱《失樂園》後再唱《ABC》,成員蔡一傑(傑仔)問祖兒為何點唱《ABC》,祖兒就笑話:「我鍾意囉,好聽囉,開心囉。」祖兒恭喜傑仔開個人騷,更熱情咁話:「好多人情要還嘅,你個演唱需唔需要請嘉賓?」但傑仔尷尬反問:「你係咪好想,我有個空缺,你想唔想玩另類啲,做吓和音?」祖兒呆一呆話說:「我唔熟喎。」點知傑仔再開口夾着脷:「我諗吓.....」祖兒聽到「諗吓」即刻大笑,傑仔成頭汗解釋:「我唔係推你意思,你嚟我絕對歡迎啦,咁大家記住嚟睇啦,有祖兒呀。我係唔好意思呀......你作為一個天后級.....」祖兒即刻話:「你咁難得自己開演唱會,你點需要唔好意思呀你!你又係小嘢咩!你都係Diva!」

而蘇志威說:「佢話佢好難得掉低我哋兩個自己玩。」祖兒答:「梗係啦,你咁忙,又開公司,又幫我造衫,你老婆又咁紅,全港最紅KOL!恭喜晒呀。」傑仔又讚祖兒的舞衣:「成件鴕鳥毛咁。」祖兒揈住行向他:「係?你摸吓。」傑仔問:「我摸邊度啫,你咁樣....揈住埋嚟...」祖兒笑住話:「你想摸邊度?」引得觀眾哈哈大笑。

隨後,蔡一智就爆祖兒瘋狂史:「咁我爆少少祖兒Crazy嘢畀大家聽,有一次去行山,路線圖好崎嶇,要行落馬路,我仲諗緊佢貴為天后,怕唔怕,點知佢竟然雀躍起上嚟,仲喺馬路上面單腳彈彈吓,又話好開心,咁大個女未試過喺馬路行㗎,我幾驚佢畀大巴士撞。」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...