熱爆娛樂: 未婚夫被揭老千商人　陸詩韻又跟錯老細

2013年4月26日星期五

未婚夫被揭老千商人　陸詩韻又跟錯老細

大封面

未婚夫被揭老千商人　陸詩韻又跟錯老細

今年三月，本刊獨家拍到陸詩韻伴住一位中坑遊汶萊及馬來西亞，玩足九天。出街後，陸詩韻為保形象急急開記招自爆中坑是未婚夫，又話兩人到馬來西亞的古晉，是與當地政府合作傾飛機航線，無非向外界表示未婚夫是有米富豪。

以為泊到好碼頭，原來「未婚夫」是個空心老倌。本刊收到消息，以及有文件證明，其「未婚夫」吳銘偉（ Jeffrey）欠債纍纍， 08年被債主告上法庭兼且敗訴，現時正面臨破產。

周二（ 23日），本刊更發現在陸詩韻匡湖居寓所外的巴士站，有人圖文並茂貼大字報寫着「老千商人欠債還錢」。

現年 32歲的陸詩韻 08年與「空心油王」朱明甩拖後，今次又跟錯老細，果真欷歔。

05年港姐亞軍的陸詩韻，當選後工作不多，但對於感情事一向表現積極，憑住 34C上圍及一雙電眼，成功俘虜城中富豪，她與富豪曾文能及「油王」朱明都有過一段情。今年三月，本刊率先踢爆她與中坑蜜遊「富豪尋歡聖地」汶萊，事後她急解釋對方是其未婚夫，「我未婚夫係行外人，做生意好低調嘅，心目中已認定佢為結婚對象。佢知道我以前嘅新聞，我哋冇秘密。」

點解我次次都唔帶眼識人！（設計對白）圖片

本刊今年三月拍得陸詩韻和吳銘偉遊汶萊，翌日她急急開記招澄清，亦大曬已搵到終身伴侶。現在其未婚夫忽然被追債，未知她可會打消結婚念頭？《蘋果日報》圖片

欠債三百四十萬

表面上，他們看似無所不談，但其實男方的真實財政狀況，連「未婚妻」陸詩韻都未必知。本刊收到消息及有關文件，指陸詩韻這位未婚夫全名為吳銘偉（ Jeffrey），屬馬來西亞人，早年與友人在香港合作做貿易生意，但最後爛尾收場。 08年更遭告上法庭，吳銘偉當時被判敗訴，被法庭判他和所屬的「 JFK Holding Co Ltd」公司要償還三百四十萬欠債。

大字報追債

本周二（ 23日）晚，本刊發現在陸詩韻所住的西貢匡湖居屋苑外的巴士站廣告燈箱，貼有 14張追債大字報，不單止有陸吳二人的照片，亦有吳生的個人資料。

欠 340萬面臨破產

左：根據法庭判案書，指吳銘偉 08年牽涉一場官司被判敗訴，他及其所屬的「 JFK Holding Co Ltd」要償還 340萬元給一名周姓男子和其所屬的「 Great Bill Ltd」。

右：去年 9月吳銘偉企圖上訴。上訴書指他必須在七天內交出 12.5萬到法庭及繳付 7萬元堂費，但最終他未能如期繳交，意味着放棄上訴機會。

今年 3月中，破產管理署向吳銘偉發出破產通知書，指他被申請破產。記者亦曾致電該署查詢，職員指該名被申請破產人士，於 5月中需出席聆訊，再決定是否會向他發出破產令。

警察到場

警察接報到場了解事件，再通知匡湖居保安，他們亦各自拍照備案，但由於該處不屬屋苑範圍，保安未有搣走大字報，警察則說：「呢啲我哋都唔會搣，或者會通知九巴啦！」

途人喪影

其間不少經過巴士站的途人都嘩聲四起，紛紛拿出手機拍下大字報。

公司先後退股

陸詩韻的未婚夫吳銘偉，年約五十，是馬來西亞華僑，早年來港開設多間公司，主要負責玩具貿易生意。資料顯示，吳銘偉曾在港成立 JFK Holding Co Ltd及 Elite Group Holding(HK) Co Ltd兩間公司，不過隨着他經濟出問題，近年他亦先後退股這兩間公司，而繼續打理公司的，亦是吳的親戚。不過話雖如此，吳銘偉仍需要償還早年欠下的債項。

面臨破產

文件指出，吳銘偉曾於去年打算上訴，法庭要求他七天內要先存放十二萬五千元到法庭，及付七萬元堂費，但吳銘偉連這不足二十萬都未能在限期內交出，因此法庭當作他自動放棄上訴機會。

由於吳一直未有還清債項，據知近月其債主已向法庭申請吳銘偉破產，破產管理局亦於今年 3月向吳發出破產通知書。若他缺席下月高等法院聆訊或未能提出償還方案，法庭便會頒破產令，勒令他即時破產。

避忌離港

上月初，陸詩韻和吳銘偉出現香港機場準備搭機去汶萊。其間他們十分避忌，甚少交談，入閘一刻更刻意前後腳。

到汶萊解放

甫步出汶萊機場，陸詩韻即放下警戒，喪笑又扯煙。不過當本刊報道後，她就迅速澄清當日經汶萊過境到馬來西亞的古晉。

陸詩韻被追數

欠債往往連累家人，身為未婚妻的陸詩韻，難免有追數公司追埋身。周二（ 23日）晚，陸詩韻寓所匡湖居屋苑外巴士站的廣告燈箱，被人貼上多達 14張，寫有「老千商人，欠債還錢」的「大字報」。當中除了用上早前本刊拍得吳銘偉和陸詩韻的外遊近照外，連吳的全名和馬來西亞護照編號都清楚列明。

現場所見，「大字報」驚動警察到場，匡湖居亦派出保安人員了解事件。其間記者問到是否住客陸詩韻要求屋苑職員代為處理，不過保安聲稱不認識兩人，還不停說：「唔知呀！」由於巴士站不屬於匡湖居的管轄範圍，所以保安人員當晚未有除去「大字報」。但翌日早上，本刊記者再到上址，所有大字報已離奇被人搣走。

前員工：成日有人追數

其實陸詩韻未婚夫欠債不是今日的事，早於 08年，吳銘偉仍身為香港幾間公司的股東及董事，已有追數情況出現。不過現時所有公司不是已清盤，就是他早已退股。換句話說，他在港並冇公司及任何物業。本刊從特別渠道接觸到一名吳銘偉「 JFK」公司的前員工，不願出鏡的他接受電話訪問時，勞氣地說：「首先，我係代表幾個前員工講嘢，我哋都係 07年同佢打工。嗰時公司做玩具貿易生意，差唔多每個月都有人上嚟公司追數。有時三四個大漢上嚟，同吳生入咗房傾，次次都俾佢拆掂數，冇喺公司搗亂，電話追數就不計其數啦！仲有呀，其實佢仲爭我哋每人萬幾兩萬蚊傭金。」

送鑽戒冧陸詩韻

一直以嫁富豪為目標的陸詩韻，竟然被空心老倌吳銘偉俘虜，據知原來有人經常送鑽戒及手袋。知情人士透露：「 Sharon（陸之洋名）初初識 Jeffrey嗰時，已經收到名牌手袋做厚禮。 Jeffrey當時扮曬不經意，話係生意朋友送嘅，女人手袋用唔着當係見面禮。佢經常透露自己喺大馬有好多物業，同政府合作做生意，搞到 Sharon覺得佢好有錢。 Jeffrey出手好闊綽，一直 keep住送鑽飾、手袋，冇幾耐佢哋就拍拖。不過近排 Sharon都開始懷疑對方財政有問題，因為聽到佢講電話，好似有人追數， Sharon都打定輸數！」

陸詩韻：我好唔開心！

記者本周三（ 24日）致電陸詩韻了解事件，對於未婚夫面臨破產，她似乎心裏有數。

記：現時同未婚夫關係如何？會如期結婚嗎？

陸：……點解無端端咁問呢？

記：你未婚夫 Jeffrey係咪爭人錢？

陸：我唔想答呢啲私人問題。

記：你匡湖居巴士站俾人貼大字報，寫住欠債還錢，仲有你張相，你知唔知？

陸：（表現驚訝，提高聲調）吓？我唔知喎！

記：你未婚夫財政狀況係點，你知唔知？

陸：我已經唔係公眾人物，唔想講。

記：有資料顯示，佢 08年輸咗官司，欠債三百四十萬未還，依家面臨破產，你知唔知呢件事？

陸：呢啲我全部都唔會答，我唔知發生咩事，唔好再問呢啲嘢，唔想透露太多，會影響好多人，唔該曬。

記：若果未婚夫破產，會如期結婚嗎？

陸：我唔想答呢啲嘢，我好唔開心！

頻頻遇上空心老倌， 32歲的陸詩韻下次識「富豪」前，最好搵私家偵探幫手起底比較穩陣。