掃呢頁CODE去手機

2013年5月15日 星期三

少女心事 唔恨入行嘥曬 關禮傑 18歲索女純愛拖鬼仔




上週五( 10日),年紀輕輕的 Fabienne面對鏡頭從容有禮,還交叉腳企定定有問必答,關家好家教!

真面目

少女心事 唔恨入行嘥曬 關禮傑 18歲索女純愛拖鬼仔

重頭劇《金枝慾孽貳》開播兩週,收視低處未算低,劇情被批難投入、主角演技浮誇……不過咁,踩還踩,都有驚喜位。比如愈戰愈勇的「男二」關禮傑,睇佢唔出年過半百,又係食過防腐劑咁款!

唔只關禮傑襟睇,關家兩位千金一樣省鏡,尤其大女關楓馨( Fabienne),天生一個明星樣,索過好多 BB類物體!上週本刊更直擊 Fabienne拖住鬼仔男同學純情拍拖,這位於國際學校讀 Grade 12的關家大千金更親口否認入行傳聞,話讀書最緊要。嘥咗喎!

週一,關禮傑接受本刊訪問話從來冇反對個女入娛圈,不過佢知個女始終想做教師。

52歲關禮傑係無綫第 11期藝訓班學員,同班同學梁朝偉、周星馳、吳鎮宇、歐陽震華個個唔係影帝就視帝,一早跑出,關禮傑勝在 keep得好,低調默默做。 96年離巢, 03年重投無綫再獲重用,一年一部無綫劇保住人氣,仲要次次都係重頭劇重頭角色。

唔坐保時捷坐小巴

關禮傑係虔誠基督徒,一對女兒, 18歲楓馨和 11歲楓盈一樣讀基督教國際學校,同樣品學兼優。

上週四( 9日)下午放學時間,本刊直擊關禮傑夫婦親自接女放學, 3點 3接過細女,一家三口在學校門外坐足半個鐘等埋大女。不過女大女世界, Fabienne放學即孖住鬼仔男友,將隨身物品放上爸爸部保時捷座駕後,自己跟男友搭巴士再轉小巴返回加州花園寓所。

男友入到屋

90年結婚,兩個女兒分別於 94年及 01年出世,關禮傑與太太梁安娜恩愛如昔,兩個女又乖又黐家。喺關禮傑微博更發現佢上載嘅家庭大合照中有埋大女嘅鬼仔男友,證明關禮傑一早知個女拍拖,而鬼仔男友亦甚得關氏夫婦歡心。

上週四( 9日),關禮傑與太太準時 3點 3到達九龍城劉平齋紀念國際學校,接完細女放學,再等多半個鐘等埋大女放學先走,標準好爸爸。

「一切都係讀書為先」

有老豆靚車唔搭,山長水遠由九龍城花足一個半鐘轉車返元朗, Fabienne擺明要跟拍拖只有 5個月的男朋友仔遊車河爭取見面時間。 18歲愛情大過天,記者跟足全程,發現 Fabienne跟鬼仔男友最多都係拖手搭膊頭,半途男友單獨歸家, goodbye kiss都唔見有。咁純情唔怪得關禮傑放心讓女兒拍拖。

據知 Fabienne將於 8月到英國升讀大學,而她揀的科目是教育,暫時冇諗過做明星。上週五( 10日),一樣係放學時間, Fabienne大方有禮接受本刊訪問, Fabienne話:「冇諗過入行……爹哋都冇咁樣安排過。一切都係讀書為先,大學畢業先再講!」

週一,關禮傑回應記者:「個男仔係意大利人,有食過飯。拍吓拖啫,我唔會管佢,兩個女好乖令我好放心。佢想入行我冇得管,不過讀教育係佢自己揀,我知做老師係佢理想!」影帝視帝虛名嚟嘅啫,一提起個女,關禮傑放心又自豪。有靚老婆,又有乖女,呢方面朝偉星爺就輸曬啦!

純情拖手

大巴轉小巴、九龍城至元朗,山長水遠個半鐘, Fabienne與男朋友仔最親密行為都係拖吓手仔,好純情。

棄坐靚車

Fabienne放學後帶着男朋友仔步向關禮傑價值約 133萬嘅保時捷 PANAMERA座駕,小兩口同關禮傑打完招呼、又在車尾放下雜物,就自行步行到巴士站。

小巴黐埋

登上旺角至元朗小巴後,鬼仔男友搭住 Fabienne膊頭,不停玩索女友秀髮,好 sweet sweet。

純情相簿

關禮傑一家四口都是虔誠基督徒,佢話雖然大女赴英升學,一樣唔擔心女兒學壞或者蝕底畀男仔,皆因囡囡仲虔誠過自己喎。其實睇番 Fabienne拍拖行徑同微博,確係黐家又純情,一家四口都完全唔使關禮傑擔心。

識打扮又有拖拍, Fabienne絕對唔會有異性冇人性,經常黐住媽媽,兩母女打扮起上來十足十兩姊妹。

除咗情人節上載心形情人節蛋糕, Fabienne微博少見到同異性嘅親密照同夜蒲照。

94年出世嘅 Fabienne大足妹妹 7年,出世頭 7年經常被爸爸帶住出席公開活動,細細個肥嘟嘟,愈大愈靚女。《忽然 1周》圖片

《金枝貳》背妻召妓 關禮傑:阿女會睇!

老豆關禮傑擔大旗嘅重頭劇《金枝慾孽貳》收視不濟,上周低見 18點,不過 Fabienne就同記者講繼續支持:「爹哋做戲我一直有睇,唔會理收視幾多,總之我覺得爹哋做得好好。」第三週劇情,將進入多角戀高潮位,好多重口味場面亦都會輪住出街,吸唔吸到觀眾好快就知。關禮傑話老婆同阿女一樣撐喎:「屋企人唔會理收視,總之有我嘅劇佢哋都會睇!」

關禮傑喺劇中身為楊秀惠(章映琴)丈夫、又同宮女簡慕華(伊蘇•爾荷)有景轟,咁都未夠喉,今週仲會上演一場妓院肉搏戲。

雖然戲班花旦扮相好多網友話驚嚇,不過 52歲麻甩佬,仲 keep到皮細嫩肉,仲想點?



鍾意就快D Share啦!