網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月6日 星期一

山聰零收入 搵朋友打救

video


山聰零收入 搵朋友打救

山聰零收入 搵朋友打救

陳山聰押重注做賭王女婿的夢終告破滅,失去女友何超雲、工作、金錢及形象的四失山聰,現只得九龍灣物業片瓦遮頭。據知現在零收入打回原形的他方知友情可貴,近日四出找回昔日朋友𢱑撈打救。由於山聰當日掛住拍拖常常向無綫告假,眾監製已耍手擰頭不敢用他,廣告商又嫌他形象插水,聲稱有圈外工作有收入原來亦是大話一場,現在他坐食山崩,可謂前路茫茫。

陳山聰箍煲失敗前日由倫敦返港,超雲火速在facebook及微博公佈單身劃清界線,山聰的何家女婿夢碎,失去女友、工作、金錢及形象,暫時住在他早年買下的九龍灣麗晶花園住所,總算有瓦遮頭。山聰與超雲拍拖兩年多以來,只寄情陪女友遊山玩水,未有工作零收入,雖然他返港時透露一直有圈外工作有收入和時裝生意,但據知其實都是大話一場。陳山聰未與超雲相戀時,一直與明星足球隊圈子玩埋,當中與曾志偉、陳百祥和譚詠麟等稔熟,常常夜蒲陪玩,但他搭上超雲即忽然與眾老友割席。現在山聰返回現實,即為生計四出籌謀,更知道友情可貴,月前他第一次與超雲鬧分手,即主動找回昔日的朋友打救,為未來生計搵著落。



■前日箍煲失敗返港的山聰,一身潮look返回九龍灣寓所。

添哥:沙塵角色啱佢

據悉陳山聰現在的工作選擇不多,廣告商昔日都是因為超雲情面才讓他孖住出席活動,現在廣告商紛紛嫌他形象插水,無綫也此路不通,他雖口口聲聲稱暫時不會拍劇,其實一向心頭高的他不時同友人表示,不想再演二打六閒角,而他的合約亦已經由基本合約轉為部頭藝員約。無綫製作資源部總監樂易玲昨日表示,陳山聰未有跟他聯絡。其實無綫眾監製聽到他的大名,也耍手怕怕不敢再起用他,都是怪他當日掛住與超雲遊山玩水常常請假,連賞識他的李添勝所監製的《天梯》,山聰更是零宣傳。記者昨日致電山聰,未表明來意,他即掛線。

問到無綫高層梁家樹會否重用山聰?他昨在電話表示:「我都唔知佢回歸,因為佢一直請緊假,所以我手頭嘅劇都冇預佢,如果佢真係想返嚟拍劇,咁有啱嘅角色咪搵佢做囉!」問到山聰再回歸拍劇會有出路嗎?他回應說:「咁發生咗咁多是非,可能都要時間沖淡嚇,之後再返嚟拍劇會比較好。」



■李添勝表示會再用山聰,並謂沙塵角色最適合他。

失戀山聰一沉百踩,幸仍獲伯樂李添勝雪中送炭,他早前指若山聰回巢無綫,不排除安排他演騎呢角色,添哥昨日在電話中說:「佢演沙塵同囂張、叻唔切嘅角色真係好啱佢,又唔係話佢份人似,我見佢平日都唔係誇張,好平實。」添哥表示手頭上的劇集《巾幗梟雄之諜血長天》拍得如火如荼,稍後更會返內地拍攝,現在根本無可能再加插角色進去,添哥說:「今年冇可能啦,最快明年開劇先可預佢,但佢要返藝員部報到先。」添哥勉勵山聰要往前看,他說:「凡事睇通透啲,人生仆底咗人人都會,最緊要識爬起身,佢又唔係作奸犯科,感情事發生喺自己身上,總會處理得一塌胡塗,我同佢始終係同事朋友。」



■陳山聰與何超雲拍拖兩年多,都是專注陪女友遊山玩水,工作投閒置散。

資料圖片



■記者昨日在陳山聰位於九龍灣麗晶花園的住所外守候,未見他現身。

攝影:吳耀輝

郭政鴻:點會冇錢?

山聰搭上超雲後,在圈中只與好兄弟郭政鴻有聯繫,連郭的囡囡亦成為超雲契女,人不在港的鴻仔昨日在電話中說:「咁𠵱家佢哋點?」他透露未有留意山聰箍煲失敗返港的消息,對於山聰頓變四失聰,問到若山聰經濟有問題,他會否接濟?鴻仔說:「咁大個人,點會冇錢,做嘢㗎嘛。」

伍詠薇作為山聰的前度契姐,她昨日在電話中說:「佢嘅事由拍拖到𠵱家,我都係no comment,都係同大家一樣睇報紙至知佢返咗嚟,佢返咗嚟應該可以拍劇啦,我唔想再提佢嘅嘢,佢有佢嘅生活,我有我嘅工作同宣傳,總之我衷心祝福佢。」

採訪:葉雪

相士話:「最好返娛圈發展」

雲山戀玩完,陳山聰向何超雲箍煲失敗,事業、女友、形象和金錢四失的山聰,前途將會如何?堪輿家司徒法正昨日在電話中說:「一山還有一山高,我幫山聰起卦,發現佢下半年有轉機,最好係返去娛圈發展,佢身邊有女貴人,好有女人緣。」

另一堪輿家麥玲玲卻持反調,她昨日在電話中說:「肖龍嘅山聰今年沖得好犀利,危機四伏,佢把握唔到去年同今年結婚沖喜就比較麻煩。佢今年適宜唞嚇,留喺自己出生地都唔會有發展,或者可以試嚇離開香港,返內地試嚇都未嘗冇出路。佢條命係可以做生意,但唔係今年,要做一定同人夾份,有好拍檔支持先得,佢今年真係少做少錯。」

採訪:比華利



■山聰未與超雲拍拖時,與志偉和阿倫等明星足球隊友人稔熟。 資料圖片

潮山聰五大出路

陳山聰做不成賭王女婿,若然不再拍劇,還有甚麼出路呢?

1.出書爆情史

山聰跟超雲拍拖兩年,雖常在人前曬恩愛,但拍拖過程的甜與苦都鮮為人知,爆名人情史最有睇頭。

2.型英潮顧問

為襯得起年輕的超雲,山聰在形象方面下過苦功,本身已是潮山聰,大可轉做形象顧問。

3.開二手貴貨店

為追富家女,山聰在服裝及飾物方面花費不少,回復樸素後可全部放售,至少取回三成置裝費。

4.主持豪華遊

若不想只做奸角,山聰仍可返無綫轉做綜藝組,以曾與超雲拍拖外遊的經驗,踢走洪永城主持《走過浮華大地》。

5.開班教演技

若山聰不想返無綫或再做幕前,仍可憑他在無綫的演出經驗,轉型做導師,開班教人演戲。





鍾意就快D Share啦!