全城熱爆的娛樂八封新聞 & 時事趣聞 & 生活 + 趣聞
講開明星二代入娛圈，其實趙雅芝細仔黃愷傑（ Wesley）都應該係下一個。事關畢業於美國名牌學府南加州大學，今年 26歲嘅 Wesley，一早已想加入娛圈發展，但因為唔想俾人話靠阿媽入行，所以大學畢業後佢去咗北京電影學院進修表演系，要靠自己咁話喎！
不過相當靚仔嘅Wesley，已經有一個喺香港連卡佛度做 OL嘅穩定女友劉凱茵（ Denise）， FBI聽聞佢兩個拍拖有兩年，而阿媽趙雅芝亦覺得 Denise唔錯，當佢新抱仔一樣喎！
北京電影學院未畢業已大把導演睇中 Wesley，上年佢喺微電影《北京之夏》內演古惑仔，而呢套戲仲入圍香港短片展，前途一片光明。
幾年前跟媽咪去社交活動， Wesley已因為太靚仔而引嚟傳媒注意。據知 TVB都好有意思簽佢做「親生仔」，但被趙雅芝拒絕。《蘋果日報》圖片
