全城熱爆的娛樂八封新聞 & 時事趣聞 & 生活 + 趣聞
王君馨走起上嚟兩隻腳可以同時離地，有跳舞根底嘅佢果然唔同啲。
喺《玩嘢王》被李思捷嚇到花容失色嘅王君馨，最近又有新搞作。嚟緊佢喺楊盼盼執導嘅新戲《軍閥年代》入面，有半裸同強姦戲，意識真係好大膽。
做戲話剝就剝，絕冇扭擰，平日生活呢，王君馨一樣咁講求效率。前幾日，媽咪姐見佢喺將軍澳廣場附近落的士，一上行人路即時起跑，仲一步當三步極速走入屋苑。返屋企啫，使唔使咁趕呀？唔通人有三急？
上集《玩嘢王》，王君馨被安排同李思捷錄音，監製陳奐仁玩嘢，刻意教導二人騎呢開聲方法。
陳、李二人嗌交，李思捷突然將木板打落對方頭上，陳奐仁即時暈倒，王君馨嚇到跪喺地上祈禱，場面搞笑。
話曬鬼妹仔，天氣未暖定已經小背心出籠，身子孱弱嘅媽咪姐，家陣仲要孭住條披肩呀！
