熱爆娛樂: 尖面阿澤穀到人魚線

2013年9月25日星期三

尖面阿澤穀到人魚線

最新

阿澤跟 Michael操咗半年，雖然未有張家輝咁勁，不過隱約見到朱古力腹肌，塊面又尖曬， man咗好多。

FBI

尖面阿澤穀到人魚線

張家輝喺《激戰》爆肌後，男星個個都話要變做張家輝，近排有肥仔底嘅杜汶澤又玩大隻。

Michael為星級健身教練，鄭伊健嘅 8嚿腹肌都係佢嘅作品，其他明星客仔包括草蜢、薛凱琪和軟硬等。

阿澤最近因為要拍《豪情 2》而跟咗林姍姍男友、健身教練 Michael操肌。之前已經見阿澤成日自拍玩 gym相，上星期五，中秋翌日假期， Michael仲 po咗阿澤 fit爆相上自己微博， FBI見到阿澤開始有少少人魚線，成個倒三角身形出曬嚟。阿澤仲大爆自己嘅操肌心得：「每日一小時帶氧運動，一週三至四日舉重，三成靠舉七成靠食，控制飲食先係關鍵……。」除咗操肌，阿澤最近都有唔少戲上，繼《超級經理人》，今個星期仲有佢同娜姐孭飛嘅《爛滾夫鬥爛滾妻》，當時阿澤嘅身形同𠵱家梗係差好遠啦。