2013年9月25日 星期三

陳豪中秋一支公




陳豪除咗拍電影,亦頻頻出騷,唔怪得呢位準老豆個樣有啲攰啦!

FBI

陳豪中秋一支公

老婆陳茵媺喺加拿大安胎,老公陳豪喺香港撲緊奶粉錢。除咗出騷,陳豪仲忙緊拍電影《點對點》,基本上日日開工,直踩到九月底,之後又要為 TVB劇《法外風雲》宣傳。

所以今個中秋陳豪都要一個人喺香港過,上週 FBI就撞到陳豪喺灣仔一條友等車,然後一支公返將軍澳屋企。反而陳太就勁多節目,大住個肚都成日周圍去,既去加拿大郊區,又去美術館睇畫,不知幾爽!

陳豪喺新戲《點對點》飾演一名攝影師,同老戲骨邵音音有唔少對手戲。《蘋果日報》圖片

大埔比華利山別墅豪宅未入得夥,陳豪惟有一條冷住舊居都會駅先。

老公返咗香港搵奶粉錢,老婆陳茵媺就開心喇,同親友喺加拿大四圍去,張相咁遠好難睇到個肚喎!



鍾意就快D Share啦!
Related Posts Plugin for WordPress, Blogger...