2013年9月25日 星期三

《 M Club》熟女唔夠妹砌




1 take過

糖妹等人飾演一班阿姐少女版,一埋位已經 high爆勁夾,最後更一 take搞掂,導演勁讚!(左起: Annice、 Cheronna、糖妹、 Winki、 Anjaylia)

FBI

《 M Club》熟女唔夠妹砌

啲人成日話薑愈老愈辣, FBI就話唔係絕對。

話說上星期三, FBI行過蘭桂坊,見到 TVB新劇《 M Club》趕工拍外景。呢晚好誇張呀,除咗一班「前輩」江欣燕、葉蘊儀、李若彤、袁潔瑩同張慧儀齊曬腳,仲有飾演佢哋少女版嘅 Anjaylia(陳嘉寶)、 Winki(賴慰玲)、糖妹、 Super Girls嘅 Cheronna(吳嘉熙)同 AOA嘅 Annice(吳燕菁)都喺齊度。

FBI八到當晚江欣燕等阿姐要拍一場喺蘭桂坊蒲完齊齊行落斜路,然後諗番少女時期喺中環表演跳舞嘅歲月, FBI當然打醒精神睇吓班阿姐點表演畀班𡃁妹睇啦,點知呢班阿姐唔知係咪捱唔慣夜,唔單只步伐唔一致,有啲仲好似未瞓醒咁,搞到導演連叫幾次 cut之餘仲買佢哋怕,問使唔使休息一下再嚟過! FBI都跌曬眼鏡。

反而班𡃁妹就醒呀,一 take過,大家早搞掂咪早收工囉!

年齡成謎嘅李若彤有啲硬膠面,而 42歲張慧儀就睇起嚟好攰,不斷放蚊,呢班阿姐想點呢?

最後老老嫩嫩嚟張大合照。其實班阿姐嘅年紀真係生得呢班𡃁妹出,表面睇個個都 keep得唔錯,不過反應同精力就同後生冇得比。

唔收貨

江欣燕(左起)、葉蘊儀、袁潔瑩同李若彤等一班阿姐表現認真麻麻,除咗表情生硬,大家仲好唔夾,各有各做戲咁款,搞到導演要叫 cut唔收貨!



鍾意就快D Share啦!
Related Posts Plugin for WordPress, Blogger...