九龍灣狙擊 Kelly帶你掃平貨

媽咪姐

九龍灣狙擊　 Kelly帶你掃平貨

近年勁多女藝人生 B，生完之後，個個性情大變！完全係有仔萬事足。好似天後陳慧琳（ Kelly）咁，做女嗰時唔係名牌唔用，件件係貴嘢！依家？唔同曬咯，放假唔去中環 shopping，反而踩落平民區狂掃平貨，仲要格過（價）試過先買！分分鐘慳家過你同我。

其他影片

九龍灣狙擊　第 1站睇書包唔買

上星期，媽咪姐喺九龍灣 Mega Box行街街，竟然喺 AEON百貨撞到 Kelly同助手幫蝦餃仔（劉昇）揀書包。呢款健康書包唔貴㗎！幾百蚊有交易。但 Kelly研究咗好耐，都係忍手！

第 2站平試唇膏

買唔到書包， Kelly行到去妹妹仔最愛嘅平價化妝品部，居然停步！成日代言大品牌嘅佢，攞起支唔知擺咗幾耐嘅唇膏試用裝，再拎張紙巾出嚟，跟住…… OMG！ Kelly真係搽上嘴試色呀！呢位媽媽，好唔衞生喎。「好彩」最後佢試啱撲槌買。呢個「險」都冒得抵少少！

Kelly's Choice$63

被天後睇中嘅，係日本 Kanebo平價副線 media嘅閃粉唇膏，盛惠$63，激抵！但媽咪姐拎過嗰支試用裝上手，好多塵喎， Kelly真係……

第 3站 IKEA$0嘆梳化

買完化妝品，攰攰哋！天後同大家一樣識得去 IKEA嘆吓免費梳化，坐咗 5分鐘，唞一唞！唉，你估湊兩個仔咁易咩。

第 4站

掃特價畫框

叉完電，天後又馬不停蹄去揀特價畫框。卒之買咗兩個白色細畫框，再加兩個大嘅，夾埋都唔使一千蚊， Kelly同你繼續慳！

$119× 2

尾站反鬥城衝刺

買勻化妝品、家品之後， Kelly始終都掛住兩個仔。臨走都去反鬥城掃咗轉玩具。俾錢嗰時，仲望吓有乜「超值之選」。咦，乜咁似媽咪姐平時做嘅嘢嘅！

最後，天後同助手抱住又抽住一堆戰利品，光榮撤退。玩咗成個下晝，用咗二千蚊都唔使，抵到呢！大家學嘢嘞。

其他影片

鍾意就快D Share啦！

下一篇 》