網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年10月18日 星期五

[忽然1周 951 ENTERTAINMENT] 不滿減戲份捧法拉 伍詠薇玩失蹤唔宣傳 伍詠薇,MW,




穀劇?穀氣就真!(設計對白)

加入無綫接近廿年的伍詠薇,一直恨有套代表作,可惜《法》劇即使是大卡士兼台慶劇,但伍姑娘由於戲份少,看來發揮有限。

娛樂喧

不滿減戲份捧法拉 伍詠薇玩失蹤唔宣傳

自《衝上雲霄 II》後,無綫劇集收視無以為繼。周一( 14日),首部台慶劇《法外風雲》率先登場,無綫亦嚴陣以待,日播夜播宣傳片,兼在上周舉行兩次宣傳活動造勢。

眾主線演員仆心仆命穀劇,唯獨有份拍《法》劇的伍詠薇,卻刻意在這段時間飛往巴黎吃喝玩樂,連甩三次宣傳。據知她不滿戲份愈減愈少,更遭另一女主角陳法拉騎住,索性缺席活動。難怪黎耀祥及監製徐正康對她甩底句句有骨。

44歲的伍詠薇,加入無綫近廿年,一直不獲重用。 11年尾約滿無綫時,她曾意興闌珊說:「有啲作品等咗好多年都拍唔到,自己主力拍小品,係小品皇後,大製作就冇我份。」當時她亦明言無綫給予的條件一般,最終拉鋸兩個月後才續約。

據知《法外風雲》的四大男女主角最初擬定為黎耀祥、陳豪、邵美琪及陳法拉,及後郭羨妮取代邵美琪,但郭又因湊女而推劇,最後由伍詠薇執三攤頂上。當時她亦曾大方表示:「執幾多攤都冇所謂,只要角色適合,加上同兩位視帝合作,求之不得啦。」可惜世事無完美,伍詠薇再一次淪為二線女主角。據知情者說:「伍姑娘傾劇本嗰陣,知道同阿 Mo、祥仔都有感情線,諗住戲份都唔會少得去邊。監製亦講明伍姑娘同法拉同樣係女主角,戲份差唔多。不過拍劇嗰陣,撞啱法拉同公司傾續約,為咗𠱁法拉續約,就專登加重佢喺《法》劇戲份,穀佢做女一,但伍姑娘啲戲就愈減愈少。伍姑娘當時有同監製反映過,嗰陣佢都有啲唔開心㗎。」

玩到忘形

月初,伍詠薇(中)和蔡一智夫婦及張智霖夫婦同遊巴黎玩樂。

12/10再甩活動

繼上周四( 10日)外,上周六( 12日)眾演員到荃灣廣場宣傳台慶劇《法外風雲》,亦不見伍詠薇影蹤。

留巴黎甩底宣傳

積極搏殺

44歲的伍詠薇,日前拍電影《喜愛夜蒲 3》,與妙齡𡃁模着上比堅尼拍遊艇派對場口,可見她仍相當有事業心。

早於 9月中,無綫開始播出《法》劇宣傳片,眾演員亦候命做宣傳。不過繼月初台慶亮燈 no show後,伍詠薇再缺席上周四( 10日)在警官會所的活動及上周六( 12日)的宣傳。原來她與好友張智霖、袁詠儀及蔡一智夫婦到巴黎旅行,連日來她亦在微博上載在巴黎吃喝玩樂的照片,可見她玩得樂而忘返,將台慶劇宣傳拋諸腦後。除了戲份不及法拉,拍攝期間,伍姑娘更發現自己角色的搶鏡程度,就連劇中排第三、四線的馬賽都不如。難怪穀住成肚氣的她,月初不惜甩底宣傳,亦要與一眾好友飛往巴黎散心。

黎耀祥:唔覺可惜

上周六( 12日),本刊問過主角黎耀祥,對於伍詠薇失場,他淡淡然說:「佢唔到?冇乜所謂啦,都唔會覺得可惜,宣傳嘅嘢互相配合。藝人公私兩忙,不過我同阿 Mo係公司人,就算忙拍劇,叫到都要到。」

至於監製徐正康明言:「套劇有咁強勁卡士,都希望 full卡士宣傳,不過佢(伍詠薇)話俾我聽,佢老公法國有 business,要去幫手,我唔知佢去玩喎!」而至截稿前,本刊仍未聯絡得上伍詠薇。

話曬可以參加大製作,伍詠薇應該幫手穀劇做宣傳,如今寧願周遊列國都缺席宣傳,下次做番小品皇後就冇得怨。

我會預先講定!(真實對白)

陳法拉對於伍詠薇缺席宣傳活動,不敢出聲批評,只說:「嚟緊我會周圍飛,如果我唔可以出席,我會預先講定。」

佢唔到,唔會覺得可惜!(真實對白)

黎耀祥對伍詠薇缺席,表現冷淡。他上台宣傳期間,更突然說:「伍姑娘係我前妻,佢鍾意雲遊四海,所以今日嚟唔到。」視帝似乎話中有骨。

係喎!唔見咗佢!(真實對白)

對於伍詠薇缺席,陳豪諗一諗才醒起不見了她,還說不知道她遊埠。

想有團隊精神!(真實對白)

監製徐正康當年曾創造高達 50點收視的處境劇《男親女愛》,《法外風雲》是他回巢後的首部作品。對於伍詠薇缺席,他無奈地說,「梗係想 full卡士,呢啲係團隊精神,不過始終係個人選擇,佢都應承我下次會幫手宣傳。」

率先爆劇情

無綫劇最拿手將男女主角感情大兜亂,今次《法外風雲》一樣唔例外,講法庭戲之餘,又加插唔少暴力、強姦戲,提供大量官能刺激。

互着舊鞋

飾演法官的伍詠薇在英國讀書時與陳豪拍拖,分手後回港結識黎耀祥,並與他結婚,後因性格不合而離婚。此時陳豪與同一律師行的陳法拉相戀,但法拉其後又搭上自己師傅黎耀祥,互着舊鞋兼關係七國咁亂。

馬賽被姦

陳法拉本與有錢仔王浩信拍拖,但王浩信吸毒之餘,還醉姦做𡃁模經理人的馬賽,搞到要打官司,身敗名裂。馬賽最終與陳智燊拍拖。

高 Ling胡楓爺孫戀

飾演燒鵝富豪的胡楓,為爭燒鵝店主導權而與兄弟鬧上法庭,其間胡楓遭踢爆與飾演公司秘書的高 Ling有一段爺孫戀。二人在劇中又攬又錫,相當重口味。



鍾意就快D Share啦!