周柏豪食豬扒講超雲

《 1圈圈》嘅新環節〈星味食堂〉已經來到第 2集，梁泰來上集請到 C AllStar，今集就請到周柏豪，梁泰來嘅飛屎就嚟拍得住志雲喎！

FBI

周柏豪食豬扒講超雲

上星期四，周柏豪同商台《 1圈圈》主持梁泰來，去咗銅鑼灣搞飯局，為節目錄影， FBI都去咗黐食！嗰間食炸豬扒出曬名嘅日本餐廳開餐，咁鬼開心梗係講嘢都放膽咗啦！

FBI聽住柏豪邊咬豬扒仲邊講緋聞女，由薛凱琪、何家千金超雲超蓮到許亦妮都講勻，不過梗係冇個認，仲話同超雲已經好少聯絡添！至於真命天女？柏豪就話：「𠵱家仲係搏殺期！即使有，都要保護身邊人！」女朋友 Stephanie收到未呀？

講番個節目，其實係《 1圈圈》嘅新環節《星味食堂》！每個月搞一次飯局，原來係阿陳總志雲嘅意思，交畀佢個愛將梁泰來大搞，仲會拍埋片放上商台網站，穀行個「視電台」大計咁話！有得食又可以出鏡， FBI覺得陳總不如搵集自己上陣做嘉賓，畀愛將訪問番自己！回味吓個飯局癮都好喎！

06年首播嘅志雲飯局賣點係當時 TVB總經理陳志雲請到粒粒巨星，一邊用餐一邊訪問，訪問地點依據嘉賓的口味而定，成為經典電視節目之一。

《蘋果日報》圖片

一開波柏豪就話要食吉列蠔，佢話自己好鍾意食蠔，唔通柏豪要壯陽？

節目尾段仲有一班柏豪 fans現身支持柏豪，搞到柏豪好感動。

曾任娛樂記者嘅梁泰來受陳志雲賞識，邀請加入商台成外事部總監，上年更升呢出任《 1圈圈》主持，志雲仲公開讚過梁泰來：「我好肯定他的工作能力。」梁泰來有排紅！

《蘋果日報》圖片

鍾意就快D Share啦！

下一篇 》