熱爆娛樂: 有樣學樣　漏 M模孫旗抄死敵雞排妹示威

2013年10月9日星期三

有樣學樣　漏 M模孫旗抄死敵雞排妹示威

漏 M模孫旗學足雞排妹大呼「官逼民反」，但堅持自己是政治冷感，寸雞排妹借政治抬高人氣。

真面目

有樣學樣　漏 M模孫旗抄死敵雞排妹示威

台灣索女雞排妹 Ili（鄭家純）最近大講政治，更用寫上「官逼民反」的毛巾半遮巨咪控訴馬英九總統，相片一出即被瘋傳。

今年在書展飛釘兼漏 M的孫旗（ Keiko）雖然被雞排妹寸過「假凸點」，但立即有樣學樣將「官逼民反」着上身，又澄清𡃁模互片是「搵兩餐啫」，不過下唔到啖氣：「俾人踩得太勁，應該向我道歉！」

其他影片

雞排妹本月 2日在 facebook放上「官逼民反」毛巾照片，撰文大鬧台灣政府施政不合理，批評總統馬英九失控，但被網友指下面一張大咪相才是焦點。

近日雞排妹用「大咪」發聲，將寫有「官逼民反」的毛巾放在咪咪前影相，並在微博寫：「最近台灣在上演看似合法，但卻不合理的政府施政。」大罵台灣總統馬英九，有網民則不滿指「毛巾拿太高了」，收足預期效果。

「雞排妹冇禮貌」

今年動漫展雞排妹來港大玩 cosplay，不忘騷事業線，都係搵兩餐啫。《蘋果日報》圖片

而今年在書展靠飛釘和漏 M響朵的孫旗，曾被雞排妹寸：「把假的點放在衣服下做成這效果，很怪異，可能想紅想瘋了。」不過孫旗不甘示弱，看到雞排妹「官逼民反」的照片之後有樣學樣，卻明寸雞排妹：「身為公眾人物，可能想大家對佢好感多啲啦，之前都有人話佢（雞排妹）冇禮貌，唔鍾意佢㗎啦！」

講到𡃁模互片已成風氣，孫旗就話：「𡃁模互相攻擊，你寸我我寸你，都係為兩餐啫，香港人係鍾意睇呢啲是非；但係我當時俾人踩得太勁，冇可能唔保護自己；如果我過分咗都唔好意思嘅，但唔一定係我去道歉嘛，佢應該向我道歉先！」

自認政治白癡

21歲的孫旗又說自己讀得書少（中四程度），惟有做𡃁模，更加是政治白癡，香港鮮有藝人如杜汶澤、 G.E.M.等有發表政治立場，孫旗都有見解：「藝人講政治係冇問題，支持佢哋嘅人會繼續支持嘅！我都好鍾意阿 G.E.M.，梁振英係講咗唔做又冇誠信，但可以畀多少少時間佢嘅。」細路女唔識世界，孫旗係時候睇多啲報紙喇。