梁政珏心絞痛入院

梁政珏邊同 FBI講就邊掩住心口，雖然證實個心無事，但佢就仲係覺得心絞痛，好擔心。

FBI

梁政珏心絞痛入院

10次行中環 ifc， 9次都會撞到明星或名人，上月尾 FBI行 ifc就撞到「 Cool魔」嘅一晚企女伴梁政珏（ Jeanette），同媽咪、婆婆行街街。阿爸係律師嘅 Jeanette外表狂野，不過佢其實幾孝順㗎，好似前兩年佢媽咪有重病，佢即刻向 TVB請假照顧媽咪，呢日 FBI見到梁母精神唔錯，睇嚟喺乖女嘅照顧下已經康復。

梁媽媽精神奕奕，相反呢日見 Jeanette就有啲面青青，右手仲有一大塊瘀痕， FBI即刻上前問吓 Jeanette係咪唔舒服啦，佢話之前一日心絞痛到醒咗，佢即刻入院檢查，手上嘅瘀痕係做 CT Scan（顯影掃描）打顯影劑嗰陣整到嘅。醫生最後證實 Jeanette個心無事，可能只係肋骨發炎，暫時可以鬆口氣！

呢日原來係梁政珏嘅婆婆生日，所以佢就繑實婆婆陪佢行街街，佢仲話夜晚會親手整個蛋糕畀婆婆食，認真孝順。

右手手腕瘀咗，係打顯影劑造成。

鍾意就快D Share啦！

下一篇 》