Sa澤全裸反奴役 阿Fi條頸消失鳥
杜汶澤為飾演電影《豪情2》中AV男優，努力操弗，身形極弗仲露出人魚線，頻頻更赤膊騷肌，早前仲同好友蔡卓妍（阿Sa）及薛凱琪（Fiona）齊齊裸體為本月18號嘅「反奴役日」拍攝廣告，希望讓全球關注奴役問題。
照片由著名攝影師夏永康操刀，阿Sa、Fiona同阿澤均赤裸上陣，大家只是用寫著標語嘅紙牌如「正視人口販賣」、「重新審視，反思所買」同「拒絕奴隸制度」嚟遮蓋重要部位。當中兩女更露出香肩與長腿，同阿澤嘅弗爆身形各有各靚。但就有人話覺得三張圖都PS得好緊要，特別係Fiona出名係長頸鹿，不過張相出到嚟，竟然唔見咗條頸？
如果大家想知更多詳情，可以出席本周五假香港大學賽馬會教學樓舉行嘅「反奴役展覽開幕禮」，欣賞由Liberty Asia及港大合作舉辦嘅互動展。展覽將奴隸制度下多個倖存者嘅真實故事呈現出嚟，亦會介紹反奴役嘅改革資料。屆時杜汶澤都會出席。至於呢輯由阿Sa同阿澤、Fiona影嘅反奴役宣傳相，屆時都會展出。
■阿澤和蔡卓妍齊齊裸體為「反奴役日」拍廣告，呼籲關注奴役問題。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|
