李彩華 30初露

Rain呢個造型性感得嚟又夠高貴，唔怪得佢係咁讚廣告商嘅設計啦！

FBI

李彩華 30初露

歲月如歌， 16歲出道嘅李彩華（ Rain）唔經唔覺啱啱過咗 30歲生日。雖然近年少咗喺香港出現，不過間中都會見佢出席香港品牌活動，人氣都算 keep到，加上佢喺國內劇接劇無停手，香港更有幾幢樓揸手，其實已成為圈中小富婆。

近日 Rain接咗人生第一個內衣廣告，因為內衣始終太性感， Rain都考慮咗好耐至應承，加上廣告商出到 7位數字酬勞吸引 Rain， Rain終於接拍咗內地品牌愛黛內衣廣告。 Rain話：「其實真係好掙紮，話曬內衣廣告實要著住四圍走，但廣告商好好，知我擔心所以將啲內衣設計到好時尚，根本好似件性感啲嘅衫咁，加上媽咪全程都喺度睇住，有咩走光甩漏佢都可以即刻幫我處理，所以都拍得好開心。」

呢個 OL look算係 Rain比較大膽嘅一套，出來效果都算自然唔造作。

單單係 Rain嘅酬勞已經有 7位數字，製作又點會馬虎？據知今次幫 Rain設計造型同化妝嘅團隊都係喺內地好有名。

話就話係內衣廣告，不過睇番啲 styling，唔講以為 Rain賣時裝。

上週一（ 11日）剛過咗 30歲生日， Rain就同班朋友搞咗個小型生日會，當日仲有朋友幫佢預備咗豹紋蛋糕，勁有心思。網上圖片

鍾意就快D Share啦！

下一篇 》